कोरेगाव (जि. सातारा) : चिमणगाव (ता. कोरेगाव) हद्दीतील साईसागर ढाब्याजवळ उभ्या असलेल्या एका गाडीमध्ये बेकायदा, बिगरपरवाना, चोरटी विक्री करण्याच्या उद्देशाने ठेवलेल्या सुमारे दोन हजार दारूच्या बाटल्यांसह रोख रक्कम, एक मोबाईल फोन व एक गाडी, असा सुमारे पावणेदोन लाखांचा मुद्देमाल पोलिसांनी जप्त केला आहे. पोलिसांनी दिलेल्या माहितीनुसार, यासंदर्भात परिविक्षाधीन पोलिस अधीक्षक रितू खोखर यांचे आरटीपीसी कॉन्स्टेबल इंद्रजित विलास भोसले यांनी फिर्याद दिली आहे. 

त्यात म्हटले आहे, की परिविक्षाधीन अधीक्षक खोखर यांनी फोनद्वारे कळवलेल्या ठिकाणी मी तसेच हवालदार जाधव, कॉन्स्टेबल मेश्राम व पंच, असे आम्ही काल रात्री पायी निघालो होतो. दरम्यान, रात्री साडेआठच्या सुमारास चिमणगाव- बोरजाईवाडी रस्त्यालगतच्या साईसागर ढाब्याजवळ एक ओम्नी गाडी (एमएच 12 एएफ 5874) उभी होती. गाडीमध्ये चालक अरुण रामचंद्र जाधव (रा. महादेवनगर, कोरेगाव) व त्याच्या शेजारी उमेश एकनाथ जाधव (रा. चिमणगाव, ता. कोरेगाव) बसले होते. 

डोंगरातून पायपीट करत अजून किती दिवस आम्ही शाळेत जायचे, कऱ्हाड आगाराच्या कारभारास विद्यार्थी वैतागले 

या गाडीमध्ये मधल्या सीटच्या मोकळ्या जागेत 66 हजार 720 रुपये किमतीच्या एकूण एक हजार 944 दारूच्या बाटल्या ठेवल्याचे आढळून आले. गाडीतील दोघांकडे विचारणा केली असता, दारूविक्री व वाहतुकीचा परवाना नसल्याचे या दोघांनीही सांगितले. त्यामुळे त्यांना ताब्यात घेऊन वरील वर्णनाच्या दारूच्या बाटल्या, रोख तीन हजार 680 रुपये, एक मोबाईल फोन व ओम्नी गाडी, असा एकूण एक लाख 70 हजार 720 रुपयांचा मुद्देमाल जप्त केल्याचे फिर्यादीत नमूद केले आहे. हवालदार जाधव तपास करत आहेत.

उदयनराजेंनी केले पंतप्रधान नरेंद्र माेदींचे अभिनंदन

Edited By : Siddharth Latkar