Karad| पश्चिम महाराष्ट्रातील आर्थिकदृष्ट्या मोठे उत्पन्न असणारी कऱ्हाड (जि.सातारा) येथील बाजार समितीच्या विजयकुमार कदम यांच्या सभापतीकाळात बाजार समितीत एक कोटी ५४ लाख ६९ हजार ७१६ रुपयांची विकास कामे झाली आहेत. त्याचबरोबर बाजार समितीस चार कोटी ५७ लाख ८४ हजार उत्पन्न मिळाले असुन खर्च वजा जाता एक कोटी ५६ लाख ६५ हजार रुपये नफा मिळाला आहे. मागील वर्षीपेक्षा यंदा ८६ लाख रुपयांनी बाजार समितीचे उत्पन्न वाढले आहे.

कऱ्हाड येथील बाजार समितीत गुळ, सोयाबीन, शेंगासह व अन्य शेतमालांची मोठी आवक होवुन आर्थिक उलाढालही मोठी होते. शेती उत्पन्न बाजार समितीची निवडणूक मागील वर्षी मोठ्या चुरशीने झाली. बाजार समितीत अॅड. उदयसिंह पाटील- उंडाळकर व माजी मुख्यमंत्री आमदार पृथ्वीराज चव्हाण यांच्या यांची सत्ता आहे. बाजार समितीच्या निवडणुकीत विजयासाठी मोठे कष्ट घेतलेले अॅड. उंडाळकर गटाचे युवा कार्यकर्ते विजयकुमार कदम यांना पहिल्यांदा सभापती पदी संधी देण्यात आली होती.

तर उपसभापतीपदी संभाजी चव्हाण यांना संधी देण्यात आली. सभापती कदम यांच्या काळात बाजार समिती परिसरातील (कै) शामराव पाटील यांच्या पुतळ्याभोवती सुशोभीकरण करणे, बाजार समितीच्या प्रवेशव्दारावर (कै) विलासराव पाटील-उंडाळकर यांची कमान उभारणे, बाजार समिती इमारतीचे नुतणीकरण, (कै) शामराव पाटील फळे, फुले, भाजीपाला मार्केटमध्ये सौरउर्जा प्रकल्पाचे काम, स्वच्छतागृहांची उभारणी, समितीच्या अंतर्गत रस्त्यांचे डांबरीकरण आदी एक कोटी ५४ लाख ६९ हजार ७१६ रुपयांची विकास कामे झाली आहेत.

त्याचबरोबर बाजार समितीच्या नियमीत कर्मचाऱ्यांना सातवा वेतन आयोग लागु करणे आणि बाजार समितीच्या संरक्षक भिंतीबाबात सभापती कदम यांनी ठोस भुमिका घेवुन कार्यवाही केली. बाजार समितीस चार कोटी ५७ लाख ८४ हजार उत्पन्न मिळाले असुन खर्च वजा जाता एक कोटी ५६ लाख ६५ हजार रुपये नफा मिळाला आहे. मागील वर्षीपेक्षा यंदा ८६ लाख रुपयांनी बाजार समितीचे उत्पन्न वाढले आहे.

कऱ्हाड बाजार समितीत आमचे नेते अॅड. उदयसिंह पाटील-उंडाळकर आणि माजी मुख्यमंत्री आमदार पृथअवीराज चव्हाण यांच्या मार्गदर्शनाखाली सर्वांच्या सहकार्याने चांगले काम करता आले. एक कोटी ५४ लाख ६९ हजार ७१६ रुपयांची विकास कामे करुन बाजार समितीचे ८६ लाखांनी उत्पन्न वाढवले आहे. 

विजयकुमार कदम