विसापूर (जि. सातारा) : बाजारात कांद्याची आवक मोठ्या प्रमाणावर झाल्याने कांद्याच्या बाजारभावात मोठी घसरण झाली आहे. यंदा दूषित हवामानामुळे कांद्याच्या उत्पादनात घट झाली असून, अपेक्षित भाव नसल्याने कांदा उत्पादक आता दुहेरी संकटात सापडले आहेत. उत्पादन खर्च व प्रत्यक्षात मिळणारा भाव पाहता, कांद्याने वांदा केल्याचे खटाव तालुक्यातील शेतकरी सांगत आहेत. 

गतवर्षी तालुक्यात चांगला पाऊस झाल्याने रब्बीची कांदा लागवड वाढली. मात्र, अवकाळी आणि सततचे बदलते वातावरण यामुळे शेतकऱ्यांचा कांद्याची रोपे तयार करण्यापासून ते कांदा लागवड करण्यावर खूप मोठा खर्च झालेला आहे. अनेकांनी सतत सहा महिने शेतात राबून वेळच्यावेळी कांद्याची काळजी घेऊन चांगले पीक घेतले. तरीदेखील, बाजारभावात घसरण होत असल्याने येथील कांदा उत्पादक शेतकरी चिंतेत असल्याचे दिसून येत आहे. 

शेतकऱ्यांनाे! वीजबिलातील 50 टक्के सवलतीचा लाभ घ्या; महावितरणचे आवाहन

दरम्यान, पंधरा दिवसांपासून वातावरणात उन्हाची तीव्रता कमालीची वाढली आहे. अशा वातावरणात कांद्याच्या पिकांवर दुष्परिणाम होऊन मागास कांद्याच्या उत्पादनात २० ते २५ टक्क्यांची घट होण्याची शक्यता आहे. तसेच उन्हाचा तडाखा बसल्यास कांदा लवकर खराब होण्याची शक्यता असल्याने त्याची साठवण करता येत नाही. परिणामी, कांदा खराब होण्याच्या भीतीने शेतकऱ्यांना मिळेल त्या भावात कांदा विकावा लागत आहे.

पुसेगाव, बुध, गाेंदवलेसह मायणीत पाऊस; विटा रस्त्यावरील वाहतुक धिम्या गतीने सुरु

कांदा उत्पादन खर्च (एकरी) :

• पूर्व मशागत (नांगरट, वाफे तयार करणे) - 5000
• रोपे तयार करणे - 10000
• लागवड - 9000
• दोन भांगलण - 5000
• पाणी (दहा) - 10000
• औषधे (चार ते पाच फवारण्या) - 10000
• काढणी, मजुरी  - 11000
• एकूण खर्च -  60000

वणवे रोखण्यासाठी कर्मचाऱ्यांची वानवा; अधिकाऱ्यांची निसर्गाचे रक्षण करताना होतेय दमछाक

• एकरी उत्पादन - 80 ते 90 क्विंटल
• दर - 900 - 1000
• एकूण सरासरी उत्पन्न - 70 ते 80 हजार

संपादन : बाळकृष्ण मधाळे