सातारा : पाच वर्षांच्या चिमुकलीला गॅलरीतून फेकून देऊन तिच्या खुनाचा प्रयत्न केल्याप्रकरणी सावत्र आईवर तालुका पोलिस ठाण्यात गुन्हा दाखल झाला आहे. जयश्री संतोष जाधव (रा. म्हसवे) असे गुन्हा दाखल झालेल्या सावत्र आईचे नाव आहे.

याबाबत सोनाली संतोष जाधव (रा. गोडोली, ता. सातारा) यांनी फिर्याद दिली आहे. पती संतोष आणि सोनालीचे पटत नसल्यामुळे संतोषने जयश्रीसोबत दुसरे लग्न केले. संतोष आणि जयश्री हे दोघे म्हसवे येथील अपार्टमेंटमध्ये राहात आहेत, तर सोनाली या गोडोलीत राहतात. त्या दोघांकडे सोनाली यांची पाच वर्षांची मुलगी राहते. 19 जूनला पाच वर्षांच्या चिमुकलीला जयश्रीने गॅलरीतून खाली फेकले. त्यामध्ये ती जखमी झाली.

तिला रुग्णालयात दाखल करण्यात आले. हा प्रकार सोनालीला समजल्यानंतर चिमुकलीला पोलिसांसोबत घेऊन दवाखान्यात गेली. त्यावेळी पाच वर्षांच्या चिमुकलीने आईला "मला जयश्री आईने गॅलरीतून खाली फेकले', असे सांगितले. हा प्रकार गंभीर असल्याने पोलिसांनी तत्काळ सावत्र आई जयश्रीवर खुनाच्या प्रयत्नाचा गुन्हा दाखल केला.

शिरवळ आजपासून सात दिवस बंद : नागरिकांचा निर्णय

साताऱ्यातील 'या' गणेशाेत्सव मंडळाने कोराेनाच्या लढ्यासाठी दिले एक लाख 11 हजार 111 रुपये