वाई (जि. सातारा) : येथील औद्योगिक वसाहतीतील चांदणी चौकात काल (ता.15) रात्री साडेनऊच्या दरम्यान किरकोळ कारणावरून व पूर्ववैमनस्यातून रविवार पेठेतील एकावर धारधार शस्त्राने वार करण्यात आले. अक्षय नंदकुमार निकम (वय 25, रा. सर्वानंदनगर, पेटकर कॉलनी, रविवार पेठ, वाई) असे या घटनेतील जखमीचे नाव आहे. 

अक्षय आणि त्याचा मित्र धीरज दगडे हे दोघे वाई औद्योगिक वसाहत येथील चांदणी चौकातील एका हॉटेलमध्ये जेवणासाठी गेले होते. त्यावेळी बोपर्डी येथील अमन शेख, संग्राम शिर्के, ऋतिक गाढवे या तिघा संशयितांनी अक्षयला "तू मोठा भाई झाला आहेस, तुला खूप मस्ती आली आहे. आता याची मस्ती पुरेपूर जिरवूया,' असे म्हणत त्याला व त्याचा मित्र धीरज दगडे याला हाताने व लाथाबुक्‍क्‍यांनी मारहाण केली.

ये दोस्ती हम नहीं तोड़ेंगे, तोड़ेंगे दम मगर तेरा साथ ना छोडेंगे; उदयनराजे-शंभूराजेंच्या दोस्तीची राज्यभरात तुफान चर्चा

या वेळी अक्षयवर धारदार शस्त्राने डोक्‍यावर, डाव्या खांद्यावर व गुडघ्यावर वार करण्यात आल्याने तो गंभीर जखमी झाला. त्याला सातारा येथील जिल्हा रुग्णालयात उपचारासाठी दाखल केले असून, अधिक तपास सहायक पोलिस निरीक्षक रवींद्र तेलतुंबडे करत आहेत. एक वर्षांपूर्वी रविवार पेठेत झालेल्या टोळीयुद्धात अक्षय व धीरज या दोघांचा सहभाग होता. यामुळे वाईत पुन्हा टोळीयुद्ध डोके वर काढण्याची शक्‍यता वर्तवली जात आहे. 

चिखलीत 13 एकरांतील उसाला आग; 30 शेतकऱ्यांचे तब्बल 11 लाखांचे नुकसान

VIDEO : सायगावात धोम कालव्यावरील 50 वर्षांपूर्वीचा पूल ढासळल्याने लाखो लिटर पाणी वाया

संपादन : बाळकृष्ण मधाळे