ढेबेवाडी (जि. सातारा) : रस्त्याच्या बांधकामासाठी आणलेल्या जेसीबी व पोकलॅनमधील डिझेल चोरीप्रकरणी चार परप्रांतीय ऑपरेटर्सना येथील पोलिसांनी अटक केली. पाटण न्यायालयाने आज त्यांना एक दिवसाची पोलिस कोठडी सुनावली. (Jharkhand)
याबाबत पोलिसांची माहिती अशी, ढेबेवाडी विभागातील आंब्रुळकरवाडी ते अनुतेवाडी (जिंती) या डांबरी रस्त्याचे काम सुरू आहे. या कामाच्या ठिकाणी कंपनीची जेसीबी, पोकलॅन मशिन व अन्य यंत्रणा कार्यरत असून त्यावर ऑपरेटर म्हणून रणजित रामेश्वर दास, अकरम अली अन्सारी, इरशाद दिलमहंमद अन्सारी, एकरामुल नईम अन्सारी (सर्व सध्या राहणार अनुतेवाडी- जिंती, मूळगाव- हजारीबाग- झारखंड) हे चौघे काम करत आहेत. कंपनीमार्फत या मशिन्समध्ये नियमित डिझेल भरणा केला जातो. परंतु; मागील महिन्यापासून मशिनमधील कमी होणारे डिझेल आणि प्रत्यक्षात मशिनकडून करण्यात आलेले काम यामध्ये तफावत आढळल्याने डिझेल चोरी होत असल्याची शंका कंपनी व्यवस्थापनास आली होती.
त्यानुसार कंपनीने कर्मचाऱ्यांवर लक्ष ठेवण्याच्या सूचना दिल्या होत्या. त्यातूनच ही चोरीची घटना समोर आली. रात्री मशिन बंद केल्यावर टाकीतील डिझेल पाइपव्दारे कॅनमध्ये काढून घेत कुठे तरी त्याची विक्री केली जात असल्याचा प्रकार निदर्शनास आल्यानंतर प्रत्यक्ष खात्री करण्यात आली. त्यावेळी तिन्ही मशिनमध्ये 105 लिटरची तफावत आढळल्याने पोलिस ठाण्यात तक्रार देण्यात आली. त्यानुसार चौघांना अटक करण्यात आली. सहायक पोलिस निरीक्षक संतोष पवार यांच्या मार्गदर्शनाखाली सहायक फौजदार रवींद्र पानवळ तपास करत आहेत.
जुन्या डिझेल चोऱ्यांवर उजेड पडणार?
काही दिवसांपूर्वीच येथील बस स्थानकात उभ्या असलेल्या बसमधून रात्रीच्या सुमारास डिझेल चोरीचा प्रयत्न झाला होता. चालक व वाहकास जाग आल्याने त्यावेळी चोरट्यांनी बसच्या डिझेल टाकीत घातलेली पाइप व कॅन तिथेच सोडून पळ काढला होता. सध्या पोलिसांच्या हाती लागलेल्या चोरट्यांकडून डिझेल चोरीच्या जुन्या घटनांवर प्रकाश पडणार का, या प्रकरणातील साखळी पोलिस शोधणार का, याबद्दल जनतेत उत्सुकता आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.