सातारा : शाहूपुरी पोलिसांनी मोळाचा ओढा परिसरात असणाऱ्या एका शेडवर छापा टाकत जुगार खेळणाऱ्या दहा जणांना ताब्यात घेतले. ताब्यात घेतलेल्यांकडून पोलिसांनी 35 हजार रुपयांची रोकड व इतर साहित्य जप्त केले आहे. मोळाचा ओढा येथील आझादनगर परिसरातील पत्र्याच्या शेडमध्ये जुगार अड्डा सुरु असल्याची माहिती काल शाहूपुरी पोलिसांना मिळाली. यानुसार त्याठिकाणी पोलिसांनी छापा टाकला. 

याठिकाणाहून पोलिसांनी किरण रविंद्र तपासे ( वय 26, रा. मल्हार पेठ, सातारा), सागर शामराव चव्हाण (वय 31, रा. आदर्श कॉलनी, तामजाईनगर, करंजे), नितीन अनिल कुऱ्हाडे (वय 34, रा. एकता कॉलनी, करंजे), गोरक्षनाथ विनायक जाधव (वय 32, रा. दत्त मंदिरामागे, सैदापुर), धनाजी शंकर वाघमारे (वय 52, रा. एकता कॉलनी, करंजे), अनिल लक्ष्मण वाघमारे (वय 37, रा. 702, गुरुवार पेठ, सातारा), फिरोज खुदबुद्दीन झारी (वय 56, रा. श्रीनगरी, तामजाईनगर, करंजे), मुकद्दर सिराज मुलाणी (वय 35, रा. मज्जीद शेजारी, कोंडवे), सुनील नानु जाधव (वय 51, रा. दिव्यनगरी, कोंडवे), इब्राहिम यासीन शेख (वय 36, रा. विघ्नहर्ता कॉलनी, कोंडवे) यांना ताब्यात घेतले. ताब्यात घेतलेल्यांकडून 35 हजारांची रोकड व इतर साहित्य जप्त करण्यात आले आहे. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे