कऱ्हाड (जि. सातारा) : पाटण तालुक्‍यातील गिरेवाडी येथील शिवारात मंत्री शंभूराज देसाई यांच्या हस्ते शेतकऱ्यांना बियाणे व खतांचे वाटप करण्यात आले. त्याप्रसंगी बोलताना त्‍यांनी शेतकर्‍यांना धीर देण्याचा प्रयत्न केला.
तहसीलदार प्रमोद यादव, जिल्हा परिषद सदस्य विजय पवार, पंचायत समिती सदस्य सुरेश पानस्कर, जिल्हा अधीक्षक कृषी अधिकारी विजयकुमार राऊत, उपविभागीय कृषी अधिकारी मनोज वेताळ, कृषी विकास अधिकारी विनायक पवार, गिरेवाडीच्या सरपंच सुजाता शिंदे आदी उपस्थित होते.
मंत्री देसाई म्हणाले, ""शेतकऱ्यांपासून ते उद्योगांपर्यंत सर्वच घटकांना कोरोनाची झळ सोसावी लागली आहे. यातून बाहेर पडण्यासाठी आपल्याला थोडा कालावधी लागेल. या संकटाच्या काळात शेतकरी वाचला पाहिजे ही शासनाची भूमिका आहे. शासनाने पहिल्या लॉकडाउनपासून सर्वसामान्यांना दिलासा देण्याचा प्रयत्न केला आहे. जर लॉकडाउन जाहीर केला नसता तर आपल्याला फार मोठा फटका बसला असता.''
कोरोनाच्या संकट काळात पाटण तालुक्‍यातील 21 हजार 500 कुटुंबांना धान्यांचे किट वाटप करण्यात आले आहे. सुरक्षित अंतर ठेवणे हाच कोरोनापासून बचाव करण्याचा उपाय आहे. शेतकऱ्यांच्या पाठीशी शासन असून, शेतकऱ्यांसाठी जे करावे लागेल ते शासन करीत आहे. या वेळी सोयाबीन बीजप्रक्रिया प्रात्यक्षिक, सोयाबीन बियाणे उगवण क्षमता तपासणी व हुमणी किड नियंत्रण प्रात्यक्षिक या वेळी शेतकऱ्यांना दाखविण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.