सातारा : जिल्हा प्रशासनाने कोरोनाचा संसर्ग रोखण्यासाठी लॉकडाउन जाहीर केले आहे. या कालावधीत 31 जुलैपर्यंत तातडीचे काम असेल तरच जिल्हा बॅंकेच्या मुख्य कार्यालयात प्रवेश मिळेल. याबाबत सर्वांनी बॅंकेस सहकार्य करावे, असे आवाहन बॅंकेचे अध्यक्ष आमदार शिवेंद्रसिंहराजे भोसले व मुख्य कार्यकारी अधिकारी डॉ. राजेंद्र सरकाळे यांनी केले आहे.
मायलेकीच काेराेना बाधित झाल्याने या गावात चिंता 
 
आमदार भोसले व डॉ. सरकाळे यांनी म्हटले की, सध्या कोरोना विषाणूचा प्रादुर्भाव जिल्ह्यात मोठ्या प्रमाणात झाला आहे. या पार्श्वभूमीवर सर्वांनी दक्षता घेणे गरजेचे आहे. शासनाने जाहीर केलेल्या लॉकडाउनच्या पार्श्वभूमीवर घोषित केलेल्या नियमावलीचे पालन करणे व सर्वांच्या सुरक्षिततेची काळजी घेणे गरजेचे आहे. या अनुषंगाने शेतकरी व ग्राहकांनी शासनाच्या सर्व सूचनांचे पालन करावे. सर्वांनी मास्क, सॅनिटायझरचा वापर करावा तसेच सामाजिक अंतर राखण्याची दक्षता घ्यावी. सुरक्षिततेच्या दृष्टीने जिल्ह्यातील शेतकरी सभासदांनी आपली कर्ज प्रकरणे स्वहस्ते बॅंकेच्या मुख्य कार्यालयात घेऊन न येता बॅंकेच्या संबंधित शाखेमार्फत मुख्यालयास पाठवून द्यावीत.

मत व मनभेदाच्या भिंती तोडून वृक्षसंवर्धन, निसर्गाचे संतुलन

केंद्र शासनाच्या प्रधानमंत्री किसान सन्मान योजना आणि प्रधानमंत्री गरीब कल्याण योजनेच्या अनुदानाची साधारणपणे साडेतीन लाख शेतकरी व ग्राहकांची रक्कम त्यांच्या खात्यावर जमा झाली आहे. पीककर्ज व्याज परतावा रक्कमही शेतकऱ्यांच्या खात्यावर जमा होत आहे. या सर्व बॅंकिंग व्यवहारासाठी बॅंकेच्या शाखांमध्ये शेतकरी व ग्राहकांची गर्दी होणार असल्याने गर्दी नियंत्रणात ठेवण्यासाठी बॅंकेने आवश्‍यक त्या उपाययोजना केल्या आहेत, असेही डॉ. सरकाळे यांनी स्पष्ट केले. 

संपादन - संजय शिंदे

शेतकऱ्यांची हाक... कुणी भाजी घेता का भाजी! 

पंढरपुरातील विठ्ठल-रुक्‍मिणी मंदिर राहणार 31 जुलैपर्यंत बंद : मंदिर समितीचा निर्णय