निमसोड (जि.सातारा) : बरेच दिवस झाले नेपाळस्थित मराठी समाजातील परिवार कोरोना संकटामुळे बिकट परिस्थितीला सामोरे जात होते. वेगळा देश असल्यामुळे आणि चरितार्थाचे साधनच बंद असल्याने अनेक अडचणी निर्माण झाल्या होत्या.
तेथील हणमंत चव्हाण, गोरखनाथ पानसकर, नवनाथ साळुंखे, शंकर शेळके व प्रशांत बाबर यांनी खटाव तालुक्यातील निमसोडचे सुपुत्र व उत्तर प्रदेश मराठी समाज संघटनेचे वरिष्ठ उपाध्यक्ष विश्वनाथ देवकर, कोषाध्यक्ष गजानन पाटील यांच्याशी संपर्क केला.
संघटनेचे संस्थापक उमेश पाटील यांच्या मार्गदर्शनाखाली नेपाळमधील गलई व्यावसायिकांना मायदेशात आणण्यासाठी प्रयत्न सुरू झाले. त्यानंतर श्री. देवकर यांनी राष्ट्रवादी कॉंग्रेसचे अध्यक्ष शरद पवार, शिवसेनेचे खासदार संजय राऊत यांच्याशी फोनवरून संपर्क साधला. हा पाठपुरावा करत असताना माजी सभापती संदीप मांडवे, खानापूरचे शिवसेना आमदार अनिल बाबर, संरक्षक माणिकराव पाटील व वरिष्ठ महामंत्री पांडुरंग राऊत यांचेही चांगले सहकार्य झाले.
सर्व पाठपुराव्यानंतर वरिष्ठ स्तरावरून नेपाळमधील भारतीय दूतावासाबरोबर योग्य ती चर्चा होऊन भारतीय गलई व्यावसायिकांना मायदेशात परतण्यास हिरवा कंदील दाखवण्यात आला आहे.
पहिल्या टप्प्यात सुमारे 260 गलाई बांधव आज मायभूमीकडे यायला निघाले. ते नेपाळची राजधानी काठमांडू येथून उत्तर प्रदेशातील गोरखपूर येथे येतील. तेथून त्यांना गावी आणण्यासाठी सांगलीहून आराम बस रवाना झाल्या आहेत. त्या वाहनांना सांगलीच्या जिल्हाधिकाऱ्यांची परवानगी मिळवून देण्यासाठी आमदार अनिल बाबर यांचे विशेष सहकार्य लाभले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.