भिलार : शासनाच्या कर्जमाफीचा फायदा थकबाकी दाराना होत आहे त्यामुळे नियमित कर्जदार सध्या सभ्रमात आहे त्यामुळे या शासनाच्या या फसव्या कर्जमाफी घोषणांचा तोटा सहकारी पतसंस्थांना बसत असून या पतसंस्थांचे कर्जदार आपणाला माफी होईल या आशेने कर्ज भरत नाहीत त्यामुळे शासनाच्या निषधाचा ठराव करावा अशी मागणी श्रीपतराव रांजणे यांनी केली.

दापवडी ( ता. जावली) येथील दत्तात्रय कळंबे महाराज नागरी सहकारी पतसंस्थेच्या वार्षिक सर्वसाधारण सभेत या ठरावासाठी रांजणे यांनी यांनी आग्रह धरला. यावेळी संस्थेचे संस्थापक स. म. बेलोशे (गुरुजी) , संचालक तुकाराम घाडगे, संस्थेचे अध्यक्ष विजय रांजणे, उपाध्यक्ष आनंदा सपकाळ, लेखा परीक्षक गणेश पोफळे, विकास अधिकारी नारायण जाधव, संचालक गोपाळ बेलोशे, हरिश्चंद्र गावडे, अशोक बेलोशे, शिवराम पवार, बाबुराव रांजणे, गंगाराम रांजणे ,तसेच भीमराव रांजणे, अंकुश बेलोशे, हरिभाऊ गोळे तसेच सभासद उपस्थित होते.

यावेळी कोविड काळात ही अडचणीतून संस्थेच्या नियमित कर्जफेड करणाऱ्या कर्जदारांना भेटवस्तू देवून यावेळी गौरवण्यात आले. ताळेबंद वाचन व्यवस्थापक अनिल रांजणे यांनी केले. यावेळी शंकर रांजणे, शामराव रांजणे, अजित बेलोशे, रामदास गलगले, सुनीता राजपुरे तसेच सर्व सभासद उपस्थिती होते.

यावेळी विविध प्रश्नांवर चर्चा करण्यात आली. तर अडचणीच्या कोविड काळात ही सभासदांना लाभांश देणारी कळंबे महाराज ही पतसंस्था तालुक्यात एकमेव संस्था असल्याचे यावेळी गणेश पोफळे यांनी सांगितले. प्रास्ताविक अनिल रांजणे यांनी केले. स्वागत विजय रांजणे यांनी केले. सूत्रसंचालन गोपाळ बेलोशे यांनी केले तर बाबुराव रांजणे यांनी आभार मानले.