कऱ्हाड : कऱ्हाड तालुक्यातील २९ ग्रामपंचायतीच्या (Grampanchayat Election) पोटनिवडणुकीसाठी अर्ज दाखल करण्याच्या आजच्या शेवटच्या दिवशी १३ ग्रापंचायती बिनविरोध झाल्याच्या स्पष्ट झाल्या आहेत. आठ ग्रामपंचायतीसाठी निवडणुका लागल्या असुन १८ जानेवारीला मतदान होणार आहे. तर आठ ग्रामपंचायतीच्या जागा उमेदवारी उर्ज दाखल न झाल्याने रिक्त राहिल्या आहेत, अशी माहिती तहसीलदार विजय पवार यांनी दिली.

तालुक्यातील २९ ग्रामपंचायतीच्या निवडणुका लागल्या आहेत. त्यासाठी आज अर्ज दाखल करण्यासाठीची मुदत होती. त्या अखेरच्या दिवशी तालुक्यातील गणेशवाडी, डेळेवाडी, घोलपवाडी, कंरजोशी, पाचुपतेवाडी, कचरेवाडी, यादववाडी, तारुख, आणे, शिंदेवाडी-विंग, शेळकेवाडी, अंबवडे, पाचुंद या १३ ग्रामपंचायतीसाठी एकच अर्ज दाखल झाल्याने त्या जागा बिनविरोध झाल्याचे स्पष्ट झाले आहे.

तालुक्यातील वानरवाडी, चोरजवाडी, मस्करवाडी, चिंचणी, घराळवाडी, हवेलवाडी, शिंगणवाडी, भरेवाडी या ग्रामपंचायतीच्या जागा रिकाम्या राहिल्या आहेत. तर शेळकेवाडी-येवती, शितळवाडी, जुजारवाडी, मुनावळे, लटकेवाडी, शेवाळवाडी-उंडाळे, हरपळवाडी, खोडजाईवाडी या ग्रामपंचायतीच्या निवडणुका लागल्या आहेत. त्यासाठी १८ जानेवारीला मतदान होणार आहे. हरपळवाडी येथील एका जागेसाठी तीन तर आणि खोडजाईवाडी येथे एका जागेसाठी पाच उमेदवारी अर्ज दाखल झाल्याने तेथे चुरशीने मतदान होणार आहे.