कास : मौजे म्हाळुंगे तालुका महाबळेश्वर येथील रहिवाशी सौ. सुनीता संपत झोरे याना चार दिवसांपूर्वी रानगव्याने केलेल्या हल्ल्यात जखमी व्हावे लागले. दुर्गम कांदाटी खोऱ्यात म्हाळुंगे गाव वसले आहे. या परिसरात सातत्याने मानसांवर होणार्या हल्ल्यांमुळे वनविभागाने समस्येवर काहीतरी पर्याय काढावा अशी मागणी होत आहे. सुनिता पाणीवट्यावरून पाण्याचे हांडे घेऊन येत असताना रान गव्याने त्यांच्यावर हल्ला केला.

त्या हल्यात त्यांना जबरदस्त मुकामार बसला आहे. त्यांच्यावर तापोळा येथे उपचार सुरु आहेत. त्यांचा जीव थोडक्यात वाचला आहे असे त्या सांगत आहेत, रान गव्याने ज्यावेळेस हल्ला केला. तेव्हा त्यांच्या डोक्यावरील हांडे त्यांनी रान गव्याच्या दिशेने फेकले व त्यानी जाळीमध्ये उडी मारली पण रान गव्याने तोंडाने मुसंडी मारल्यामुळे त्या जवळपास एक तास बेशुद्ध अवस्थे त्याच ठिकाणी पडून होत्या. त्या पाण्यावरून घरी आल्या नाहीत म्हणून त्यांच्या मुलांनी घरातून आवाज दिला पण त्यांनी कोणतीही प्रतिक्रीया न दिल्यामुळे त्यांच्या मुलांनी पाणवटयाच्या वाटेने शोध सुरू केला त्यावेळी वाटेच्या बाजूला त्या मूर्च्छित पडलेल्या त्यांना सापडल्या त्यांना उचलून घरी आणल्यानंतर २/३ तासानंतर त्या शुध्दीवर आल्यानंतर गव्याने हल्ला केलेल्याची सर्व माहिती त्यांनी दिली. १५ दिवसातील या भागातील ही दुसरी घटना आहे.

अशा प्रकारे सतत होणाऱ्या गव्यांच्या हल्य्यामुळे स्थानिक रहिवाशी जीव मुठीत घेऊन बाहेर पडत आहेत. या भागात रान गव्याच्या उपद्रवामुळे येथील सर्व शेतकरी हैराण झालेले आहेत. भात शेतीचे फार मोठ्या प्रमाणात नुकसान रान ग्यव्यांकडून कडून सतत होत आहे. त्यामुळे सोळा गावातील शेतकरी हैराण झालेले आहेत. तरी या रान गव्यांचा वन खात्याने बंदोबस्त करावा आणि शेतकऱ्यांच्या शेतीचे पंचनामे करून त्यांना योग्य ती मदत करावी अशी मागणी येथील सोळा गावातील ग्रामस्थांकडून करण्यात येत आहे.