वाई (जि. सातारा) : पाचगणी-वाई रस्त्यावर पसरणी घाटात चालकाचा ताबा सुटल्यामुळे अवघड वळणावर बस उलटून 15 प्रवासी जखमी झाले. चाकण येथील सुप्रजित इंजिनिअरिंग कंपनीच्या कर्मचाऱ्यांची वार्षिक सहल प्रतापगड महाबळेश्वरला खासगी बसने आली होती. बसमध्ये 34 प्रवासी होते.
आज सायंकाळी पावणेसातच्या सुमारास परतीच्या प्रवासाला जात असताना पाचगणी-वाई रस्त्यावर पसरणी घाटात बुवासाहेब मंदिराजवळ पालखी रस्त्यावर ब्रेक फेल झाल्याने चालकाचा ताबा सुटून खासगी बस (एमएच 14 सीडब्लू 4764) रस्त्यावरच उलटली. चालकाने प्रसंगावधान दाखवल्याने बस डोंगराच्या बाजूला नेली, अन्यथा बस दरीत कोसळून मोठी दुर्घटना व जीवित हानी घडली असती. या सर्व घटनेमुळे बस मधील प्रवाशांत एकच गोंधळ उडाला. अपघातात 15 प्रवासी किरकोळ जखमी झाले असून जखमींना वाई व पाचगणी येथील रुग्णालयात दाखल केले आहे. घटनेची माहिती मिळताच, वाई व पाचगणी पोलिसांनी घटनास्थळी धाव घेतली.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.