सातारा : येथील मध्यवर्ती बस स्थानक परिसरात काल रात्री करंजे येथील भैरवनाथ कॉलनीत राहणाऱ्या शुभम दीपक भंडारी याने स्वत:चा गळा ब्लेडने कापून घेतला. यामुळे जखमी झालेल्या भंडारी याच्यावर जिल्हा शासकीय रुग्णालयात उपचार सुरू आहेत. 

करंजे येथील भैरवनाथ कॉलनीतील सप्तर्षी प्राइडमध्ये शुभम भंडारी हा राहण्यास आहे. तो काल रात्री नऊच्या सुमारास सातारा येथील मध्यवर्ती बस स्थानक परिसरात आला होता. या ठिकाणच्या गेट परिसरात आल्यानंतर त्याने गोंधळ घालण्यास सुरुवात केली. गोंधळ घालत असतानाच भंडारीने धारदार ब्लेडने स्वत:च्या गळ्यावर वार करून घेण्यास सुरुवात केली. यामुळे त्या परिसरात घबराट पसरली. 

कऱ्हाड-विटा-पंढरपूर मार्गावरील कृष्णा पुलाचे भिजत घोंगडे; खासदार पाटलांच्या सूचनेला ठेकेदारांचा ठेंगा

याची माहिती त्याठिकाणी कार्यरत असणाऱ्या वाहतूक कर्मचाऱ्यांना मिळाली. त्यांनी रक्‍ताने माखलेल्या भंडारीला उपचारासाठी जिल्हा शासकीय रुग्णालयात दाखल केले. जखमी भंडारी याच्यावर जिल्हा शासकीय रुग्णालयात उपचार सुरू आहेत. याप्रकरणी वाहतूक कर्मचारी दीपक साबळे यांनी शाहूपुरी पोलिस ठाण्यात फिर्याद नोंदवली आहे. यानुसार भंडारी याच्यावर आत्महत्येचा प्रयत्न केल्याचा गुन्हा नोंदविण्यात आला आहे.  

ये दोस्ती हम नहीं तोड़ेंगे, तोड़ेंगे दम मगर तेरा साथ ना छोडेंगे; उदयनराजे-शंभूराजेंच्या दोस्तीची राज्यभरात तुफान चर्चा

संपादन : बाळकृष्ण मधाळे