सातारा : कोरोनाच्या संसर्गाने मागील काही दिवसातील बाधितांचा आकडा भयावह असून वाढती रुग्णसंख्या धोकादायक आहे. जिल्ह्यात गेल्या आठवडाभरात तब्बल दोन हजार 564 बाधित रुग्ण आढळले असून 15 रुग्णांचा मृत्यू झाला आहे. सार्वजनिक ठिकाणी नागरिक नियमांचे उल्लंघन करत असल्याने कोरोनाचा फैलाव वाढतच असल्याचे दिसून येत आहे.

गेल्या दोन महिन्यापासून कोरोना बाधितांच्या आकड्यात झपाट्याने वाढ होताना दिसत आहे. जिल्ह्यात काल 472 रुग्ण आढळले असून चार बाधितांचा उपचारादरम्यान मृत्यू झाला आहे. कोरोनाच्या दुसऱ्या टप्यातील वाढती रुग्णसंख्या चिंताजनक असून नागरिकांनी सार्वजनिक ठिकाणी नियमांचे पालन करण्याची गरज आहे. मार्च महिन्यापासून कोरोनाचा प्रादुर्भाव वेगाने वाढत होता. ऑक्‍टोबरनंतर कोरोनाचे मृत्यू व बाधितांच्या संख्येत घट झाली. मात्र, मागील दोन महिन्यापासून 200 ते 300 च्या जवळपास बाधित रुग्ण आढळत होते. गेल्या आठवड्यापासून 400 च्या टप्यात बाधित रुग्णांची संख्या सापडत असल्याने भितीदायक वातावरण निर्माण झाले आहे. दरम्यान, जिल्ह्यात कऱ्हाड, फलटण, खंडाळा, वाई ही तालुके हॉट्‌स्पॉट असून या ठिकाणी प्रशासनाने निर्बध कडक केले असून प्रशासन सतर्क झाले आहे.

दहिवडीकरांनो सावधान; माण तालुक्यात कोरोनाची दुसरी लाट?

कोरेगावसह तालुक्‍यात कोरोनाचा कहर; सभापती जगदाळेंनी व्यक्त केली चिंता

महाराष्ट्र दिनापासून पात्र प्रकल्पग्रस्तांना सांगली, साताऱ्यातील जमिनींचे वाटप करा : उपमुख्यमंत्री अजित पवार

कोरोना अपडेट्‌स

• एकूण नमुने : 4,02,154
• एकूण बाधित : 64,968
• घरी सोडण्यात आलेले रुग्ण : 59,846
• मृत्यू : 1,902
• उपचारार्थ रुग्ण : 3,220