वाई (जि. सातारा) : तालुक्‍याबरोबर शहरात कोरोनाचा संसर्ग झपाट्याने वाढत असून, वाईकरांच्या चिंतेत भर पडली आहे. शहरात मायक्रो प्रतिबंधित क्षेत्र लागू करण्यात आला आहे. जिल्ह्यात केंद्रीय पथक आल्याने प्रशासन सतर्क झाले आहे. 

तालुक्‍यात गुरुवारी (ता. 8) 70 पॉझिटिव्ह आले असून, वाई 34 (शहर 26 सह्याद्रीनगर 2, फुलेनगर, शहाबाग 1, एमआयडीसी 4), बावधन 4 (वाघजाईवाडी 1), भुईंज, देगाव, परखंदी येथे प्रत्येकी तीन, वेरुळी, वरखडवाडी, गुळूंब येथे प्रत्येकी दोन, तर वेळे, मेणवली, खोलवडी, कवठे, खानापूर, शिरगाव धोम, धावडी, बोपर्डी, आनवडी, कडेगाव येथे प्रत्येकी एक असे एकूण 70 रुग्ण कोरोनाच्या संसर्गाने पीडित आहेत. 

व्यापाऱ्यांच्या चाचणीत कऱ्हाडला पंधराजण आढळले बाधित

एक मार्चपासून आजपर्यंत 898 बाधित सापडले असून, उपचार 720 रुग्ण घेत आहेत. कोविडमुळे आतापर्यंत एकूण 160 जणांचा मृत्यू झाल्याची माहिती सूत्रांनी दिली. एप्रिलमध्ये आठ दिवसांत 460 रुग्ण सापडले असून, त्यामुळे नागरिकांबरोबर स्थानिक प्रशासनाची चिंता वाढली आहे. 

सातारकरांनो, काळजी घ्यावीच लागेल! ‘Oxygen Bed’ शिल्लकच नाहीत; जाणून घ्या बेडची संख्या..

Corona Virus शनिवार आणि रविवारीच बाहेर येतो का?; खासदार उदयनराजेंचा सरकारला सवाल

संपादन : बाळकृष्ण मधाळे