भिलार (जि. सातारा) : पाचगणी पालिकेच्या वतीने वसुंधरा अभियानांतर्गत पर्यावरण संवर्धन व संरक्षणासाठी सायकल वापरास प्रोत्साहन देण्यासाठी पालिका कार्यालय ते स्वच्छ भारत पॉइंटपर्यंत आयोजित करण्यात आलेल्या सायकल रॅलीस उत्स्फूर्त प्रतिसाद लाभला. 

पर्यावरण रक्षणासह व्यायामाची गरज व त्यातून नागरिकांची जागरूकता व्हावी, पर्यावरणाचा समतोल, वाहतूक कोंडीपासून मुक्तता, आरोग्याची काळजी आदी बाबी लक्षात घेऊन ही रॅली काढण्यात आल्याचे नगराध्यक्षा कऱ्हाडकर यांनी सांगितले. या रॅलीमध्ये नगराध्यक्षा लक्ष्मी कऱ्हाडकर, मुख्याधिकारी गिरीश दापकेकर, नगरसेवक, कर्मचारी, शालेय विद्यार्थी वर्ग स्वतः सायकल घेऊन सहभागी झाला होता. अभियानात मुख्यतः पाच घटकांचे मूल्यमापन होऊन राज्यस्तरावर त्याचा क्रमांक काढण्यात येणार आहे. या अभियानात पाचगणी गिरिस्थान पालिकेला अव्वल कामगिरी बजावण्याची अपेक्षा आहे. अभियानांतर्गत पाचगणी शहरातील हवेची गुणवत्ता तपासणीसाठी शहरांमधील तीन ठिकाणी मान्यताप्राप्त संस्थांकडून 24 तासांच्या हवेचे मोजमाप घेऊन यामध्ये विविध बारा पेरिमीटर तपासले जाणार आहेत. 

शाळांचा परिसर तंबाखूमुक्त होणार; साताऱ्यात येलो लाइन कॅम्पेनिंगला सुरवात

संपादन : बाळकृष्ण मधाळे