कऱ्हाड (जि. सातारा) : येथील मोमीन मोहल्ला परिसरात सोमवारी सायंकाळी दोन गटांत राडा झाला. पोलिसांनी हस्तक्षेप केल्याने पुढील अनर्थ टळला. दोन्ही गट समोरासमोर होते. त्या वेळी तेथे पोचलेल्या पोलिसांनी त्यांना हटकले. मारामारीत मोमीन मोहल्ला परिसरातील युवक जखमी आहे. त्याच्यावर खासगी रुग्णालयात उपचार सुरू आहेत. रात्री उशिरापर्यंत पोलिसात त्यांची नोंद घेण्याचे काम सुरू होते. मारामारी का झाली, त्याचे कारण रात्री उशिरापर्यंत समजू शकले नव्हते. मोमीन मोहल्ला व शुक्रवार पेठ परिसरात तणावाचे वातावरण होते. 

सोमवारी सायंकाळी मुख्य बाजारपेठेत झालेल्या राड्यामुळे तणावात भर पडली. मोमीन मोहल्ला परिसरात सायंकाळी राडा झाला. बॅंक ऑफ इंडियाच्या गेटसमोर मोमीन मोहल्ला येथील काही युवक थांबले होते. त्या वेळी तेथे शुक्रवार पेठेतील युवक आले. त्या दोन्ही गटांनी एकमेकांकडे पाहिले. एकमेकांकडे बघण्यावरून त्यांच्यात शाब्दिक चकमक उडाली. त्यातून वाद वाढला. त्यांच्यात धराधरीही झाली. त्याचवेळी मोमीन मोहल्ला परिसरातून काही युवक धावत आले. बॅंक ऑफ इंडियाच्या शाखेपासून शुक्रवार पेठेकडे जाणाऱ्या रस्त्याकडे काही युवक धावले. तेथे तिघे जण एकाला मारहाण करत होते. ते पाहताच आरडाओरडा झाला. तो सारा प्रकार मुख्य बाजारपेठेत सुरू असल्याने तेथेही गर्दी जमली होती. काही लोकांनी त्याची त्वरित माहिती पोलिसांना कळवली. 

आंदोलनाच्या समर्थनार्थ कऱ्हाड, सातारा, सांगलीतील बळीराजाची फौज दिल्लीला रवाना

पोलिसांना माहिती कळताच काही क्षणात ठाण्यातून मोठे वाहन सायरन वाजवत पोलिस घटनास्थळी पोचले. पोलिस पोचताच मारहाण करणारे तेथून शुक्रवार पेठेच्या दिशेने पळून गेले. मारामारीमुळे मुख्य बाजारपेठेत झालेली गर्दी पोलिसांना हटवली. मात्र, मारहाण करणारे कोण होते, त्याची माहिती त्यांना घेता आली नाही. उशिरापर्यंत त्या भागात तणावाचे वातावरण होते. ज्यांना मारहाण झाली. त्याचे काही मित्रही तेथे जमले होते. त्यांनाही पोलिसांनी जाण्यास सांगितले. सायंकाळनंतर तेथे बंदोबस्त वाढवला होता. मारामारीतील जखमीवर खासगी रुग्णालयात उपचार सुरू होते. त्याबाबत पोलिसात गुन्हा दाखल झाला नव्हता. पोलिसांनी त्या घटनेची नोंद घेतली होती. 

संपादन : बाळकृष्ण मधाळे