सातारा : कॉंग्रेसचे कृषी कायदे चुकीचे असल्यानेच देशात आणि राज्यात मोठ्या प्रमाणावर शेतकऱ्यांनी आत्महत्या केल्या. या आत्महत्या रोखण्यासाठी व शेतकऱ्यांना आर्थिक स्थैर्य मिळवून देण्यासाठी केंद्र सरकारने कायदे केलेत. या विधेयकामुळे शेतकऱ्यांचा लाभच होणार असल्याचे मत राष्ट्रीय समाज पक्षाचे अध्यक्ष व माजी पशुसंवर्धन मंत्री महादेव जानकर यांनी व्यक्त केले. केंद्राने केलेल्या कृषी कायद्याचेही त्यांनी समर्थन केले. 

राष्ट्रीय समाज पक्षाच्या पदाधिकाऱ्यांचा येथील नगरपालिका मंगल कार्यालयात नुकताच मेळावा पार पडला. या वेळी आयोजित पत्रकार परिषदेत ते बोलत होते. जानकर म्हणाले, केंद्रीय कृषी मंत्री तोमर हे शेतकऱ्यांचे पुत्र आहेत. शेतकऱ्यांची परिस्थिती त्यांना चांगलीच माहित आहे. कॉंग्रेसचे कृषी कायदे चुकीचे असल्यानेच देशात आणि राज्यात मोठ्या प्रमाणावर शेतकऱ्यांनी आत्महत्या केल्या. या आत्महत्या रोखण्यासाठी व शेतकऱ्यांना आर्थिक स्थैर्य मिळवून देण्यासाठी केंद्र सरकारने कायदे केले आहेत. या विधेयकामुळे शेतकऱ्यांचा लाभच होणार आहे.

भविष्यात राष्ट्रवादीप्रमाणे राज्यात रासप किंगमेकर ठरेल; महादेव जानकरांचा विश्वास

पशुसंवर्धन मंत्री असताना गायीच्या व म्हशीच्या दुधाला दर वाढवून दिला. आता भाजप व मित्र पक्षांचे सरकार सत्तेवर नाही महाविकास आघाडीचे सत्तेवर आहे, त्यांची नियत चांगली नाही, असा आरोपही त्यांनी केला. सध्या देशात सुरु असलेल्या शेतकरी आंदोलनावर टीका करताना जानकरांनी सरकारच्या कृषी कायद्याचे समर्थन केले, तसेच त्यांनी कॉंग्रेसच्या कृषी कायद्यांवर जोरदार टीका केली.

मी उदयनराजेंना पाडलेला माणूस, तुम्हालाही संपवल्याशिवाय राहणार नाही

संपादन : बाळकृष्ण मधाळे