कोयनानगर (जि. सातारा) : उपमुख्यमंत्री अजित पवार यांनी कोयना धरणाच्या शिवसागर जलाशयात बोटिंग चालू करण्यात यावे, असा आदेश नुकताच गृह विभागाला दिल्यामुळे राज्याचे गृहराज्यमंत्री शंभूराज देसाई यांनी बुधवारी मंत्रालयात गृह विभागाबरोबर सर्व प्रशासकीय अधिकारी वर्गाची तातडीची बैठक बोलावली आहे. या बैठकीत कोयनेचे काही प्रतिबंधित क्षेत्र वगळणार की, नाही यावरच चर्चा होणार असून यावरच बोटिंगचे भवितव्य ठरणार आहे.
२५ मार्च रोजी श्रमिक मुक्ती दलाने केलेल्या मागणीनुसार मंत्रालयात उपमुख्यमंत्री अजित पवार यांनी कोयना धरणाच्या शिवसागर जलाशयात बोटिंग सुरु करण्याचे आदेश दिले होते. या बैठकीला व्हीसीद्वारे उपस्थित असणाऱ्या गृहराज्यमंत्री देसाई यांनी कोयना धरणाच्या शिवसागर जलाशयात ७ कि.मी अंतरावर बोटिग सुरु करण्याबाबत ८ दिवसात कार्यवाही केली जाणार असल्याचे स्पष्ट केले होते.
आज बुधवारी ३१ मार्च रोजी शंभूराज देसाई यांच्या दालनात एका विशेष बैठकीचे आयोजन करण्यात आले आहे. या बैठकीला गृह खात्याचे सचिव,अतिरिक्त पोलिस महासंचालक,आयुक्त राज्य गुप्तवार्ता, जिल्हाधिकारी, पोलिस अधीक्षक, मुख्य अभियंता कोयना प्रकल्प, उप संचालक सह्याद्री व्याघ्रप्रकल्प यांना निमंत्रित करण्यात आले आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.