सातारा : काशी विश्वेश्वर मंदिराचे पुजारी विश्वास दत्तात्रय भोईटे (वय ६०, रा. शुक्रवार पेठ) हे शनिवारी मंदिरामध्ये पूजा करण्यासाठी गेले होते. त्यावेळी त्यांच्या खिशातील ५३०० रुपये पडले. 

हे पैसे त्या ठिकाणी गेलेले भाविक काशिनाथ गणेश देवरुखकर (वय ८५, रा. व्यंकटपुरा पेठ) यांना सापडल्यानंतर त्यांनी ते शाहूपुरी पोलिस ठाण्यात जमा केले. शाहूपुरी पोलिसांनी त्याची सर्व माहिती घेवून ते पैसे पुजाऱ्याचे असल्याचे समोर आल्यानंतर त्यांना त्यांचे पैसे परत दिले. दरम्यान, वृद्धाने प्रामाणिकपणे पैसे परत केल्याने त्याबाबत नागरिकांनी व पोलिसांनी त्यांचे कौतुक केले. सध्याच्या धावपळीच्या जगात माणुसकी शिल्लक नसल्याचे वेळोवेळी अनुभवास येते. त्याची प्रचितीही वारंवार पहायला मिळते. मात्र, एका वृद्धाने प्रामाणिकपणे पैसे परत केल्याने जगात कुठेतरी माणुसकी शिल्लक असल्याचे दिसत आहे.

वैरत्व संपवून अनेक गावांत काका-बाबा गट एकत्र; कऱ्हाड दक्षिणेत दिसणार मनोमिलनाचा करिष्मा 

संपादन : बाळकृष्ण मधाळे