सातारा : शहरात विविध भागांत बेकायदेशीर टपऱ्या उभारल्या जात आहेत. संबंधित टपरीचालकांवर तातडीने कारवाई करावी अन्यथा तीव्र आंदोलन केले जाईल, तसेच शहर शिवसेनेला साताऱ्यात 500 टपऱ्या टाकण्यास कायदेशीर परवानगी द्यावी, असे निवेदन शिवसेनेच्या शहर शाखेच्या वतीने शहराध्यक्ष बाळासाहेब शिंदे आणि त्यांच्या सहकाऱ्यांनी नुकतेच जिल्हाधिकाऱ्यांना दिले आहे. याबाबतचे निवेदन नुकतेच पालकमंत्री बाळासाहेब पाटील यांनाही देण्यात आले आहे. 

शहरातील प्रमुख रस्ते, मुख्य चौकांतही बेकायदेशीर खोकी उभारून अनधिकृत व्यवसाय केले जात आहेत. शहर शिवसेनेच्या वतीने निवेदने देऊनही प्रशासन त्यांच्यावर ठोस कारवाई करत नाही. राजवाडा परिसर, मोती चौक ते 501 पाटी, बस स्थानक परिसर, उपप्रादेशिक परिवहन कार्यालय, जिल्हा परिषद परिसर, राधिका रस्ता, हुतात्मा चौक परिसर, मंगळवार तळे असा एकही रस्ता बेकायदेशीर टपऱ्याविना राहिलेला नाही. मोती चौक ते 501 पाटी या अंतरात दुकानदार, व्यावसायिक दुकानाबाहेर माल लावतात. दुचाक्‍या लावायलाही जागा उरत नाही. वाहतुकीची कोंडी होते. 

किसन वीर सर्व 45 खटल्यांतून निर्दोष; मदन भोसलेंसह अधिकाऱ्यांचे निर्दोषत्व सिद्ध

नागरिकांना अनेक त्रासांना तोंड द्यावे लागते. फुटपाथवर अतिक्रमणे वाढली आहेत. काही दुकानदार दुकानाबाहेर हातगाडी लावावयास परवानगी देऊन त्यांच्याकडून भाडे वसूल करतात. असे गाडे वाहतुकीला अडथळा ठरतात. खणआळीतही हिच अवस्था आहे. संबंधित अतिक्रमणे येत्या 15 दिवसांत काढली जावीत. ज्या खोकीधारकांची पालिकेकडे नोंद आहे, त्यांची योग्य व्यवस्था लावावी. मोती चौक भवानी पेठ येथे एका इमारतीचे बेकायदेशीर बांधकाम झाले आहे. या सर्वांची दखल तातडीने घेतली जावी व संबंधितांवर तातडीने कारवाई करावी अन्यथा तीव्र आंदोलन केले जाईल, असा इशारा देण्यात आला आहे. 

ओबीसी आरक्षण संपवण्याचा मोदी सरकारचा डाव हाणून पाडू

झेडपीचा 41 कोटींचा अर्थसंकल्प मंजूर; साताऱ्यात कोरोनामुळे अनुदानावर परिणाम

संपादन : बाळकृष्ण मधाळे