मल्हारपेठ (जि. सातारा) : विहे वसाहत येथून दापोली येथे लग्नाला गेलेल्या सुमारे 80 जणांपैकी 13 जण कोरोनाबाधित झाले आहेत. इतरांचे स्वॅब टेस्टिंगसाठी घेतले असून, प्रशासन व ग्राम दक्षता समितीकडून आठ दिवस गाव बंद ठेवण्याचा निर्णय झाला आहे. 

विहे येथील दोन ट्रॅव्हल्स दापोली येथे लग्नासाठी गेल्या होत्या. त्यातून 70 ते 80 जण प्रवास करत होते. 27 फेब्रुवारीला लग्न करून घरी आल्यानंतर त्यातील एक जणास चार मार्चला त्रास जाणवू लागल्याने त्याची कोरोना टेस्ट घेण्यात आली. त्याचा रिपोर्ट पॉझिटिव्ह आल्याने त्याच्या संपर्कातील अन्य लोकांची कोरोना टेस्ट घेण्यात आली. यात 13 जणांचे रिपोर्ट पॉझिटिव्ह आल्याने खळबळ उडाली आहे. या बाधितांच्या संपर्कातील किराणा दुकान, हॉटेलवर जाणाऱ्या सुमारे 71 जणांची कोरोना टेस्ट घेण्यात आली आहे. त्यांचे स्वॅब टेस्टिंगसाठी पाठवले आहेत. तहसीलदार योगेश्वर टोपे यांनी विहे गावात जाऊन गावकऱ्यांनी दक्षता घेण्याचे आवाहन केले. 

चिंताजनक! कऱ्हाडात कोरोना रुग्णांच्या संख्येत झपाट्याने वाढ; आरोग्य विभागाकडून जोरदार हालचाली 

आरोग्य विभागास ट्रॅव्हल्समधील सर्व नागरिकांचे स्वॅब घेण्याच्या सूचना केल्या असून, विहे ग्रामदक्षता समितीने 20 मार्चपर्यंत गाव बंद ठेवण्याचा निर्णय घेतला आहे. तहसीलदार टोपे म्हणाले, की 27 फेब्रुवारी रोजी दापोली येथे लग्नाला गेलेल्या दोन ट्रॅव्हल्समधील नागरिकांची कोरोना टेस्ट केली आहे. त्यात 13 जण बाधित असून, अन्य 70 ते 80 जणांची टेस्ट केली आहे. त्याचे रिपोर्ट येत्या दोन दिवसांत येतील. सर्व परिसर कंटेनमेंट झोन जाहीर केला आहे. सध्या तेथे पोलिस बंदोबस्त ठेवण्यात आला असून, नागरिकांनी दक्षता घेण्याचे आवाहन केले आहे. 

स्वीडनमध्ये 1300 वर्षांपूर्वीच्या रहस्यमय गोष्टीचा शोध; Gold Foil मध्ये दिसली मिठी मारणारी जोडपी

संपादन : बाळकृष्ण मधाळे