लोणंद (जि. सातारा) : लोणंद-नीरा रस्त्यावर पाडेगाव (ता. खंडाळा) गावच्या हद्दीतील भवानीमाता मंदिराजवळ पाडेगाव चढावर काल सकाळी सहा वाजण्याच्या सुमारास डंपर व टिपर यांच्यात समोरासमोर धडक होऊन झालेल्या अपघातात एक जण जागीच ठार, तर दोन जखमी झाले आहेत.
याबाबत पोलिस ठाण्यातून मिळालेली माहिती अशी, राख (ता. पुरंदर, जि. पुणे) येथील उपेंद्र शिवकुमार गुप्ता हा डंपर (एमएच 12 एलटी 6905) घेऊन लोणंदकडून नीरा बाजूकडे जाताना पाडेगाव चढावर भरधाव वेगात चालवून नीरा बाजूकडून साताऱ्याकडे जात असलेल्या टिपरला धडक दिली. या अपघातात टिपर चालक सुनील तुकाराम पवार (वय 22, रा. इंदिरानगर, शिवराज पेट्रोलपंपासमोर सातारा) हे जागीच ठार झाले.
तर आकाश लक्ष्मण नलवडे (रा. इंदिरानगर, शिवराज पेट्रोलपंपासमोर सातारा) व उपेंद्र शिवकुमार गुप्ता (रा. राख, ता. पुरंदर) हे किरकोळ जखमी झाले आहेत. याबाबत लक्ष्मण बाबूराव नलवडे (रा. इंदिरानगर, शिवराज पेट्रोलपंपासमोर सातारा) यांनी फिर्याद दिली आहे. या अपघाताची नोंद लोणंद पोलिस ठाण्यात झाली असून, सहायक पोलिस निरीक्षक संतोष चौधरी तपास करत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.