रेठरे बुद्रुक (जि. सातारा) : अविनाश मोहिते यांना तुरुंगात टाकण्याचे पाप डॉ. सुरेश भोसले यांनी केले आहे. ते त्यांना या निवडणुकीत फेडावे लागणार आहे, असा आरोप भारती विद्यापीठाचे उपाध्यक्ष डॉ. इंद्रजित मोहिते यांनी केला. कृष्णा कारखान्याच्या निवडणुकीत आघाडी व्हावी, यासाठी आम्ही सकारात्मक आहोत. मात्र, अविनाश मोहिते यांची हट्टवादी भूमिका समाजहिताच्या आड येणारी आहे, असे त्यांनी सांगितले. 

वडगाव हवेली येथे बैठक झाली. त्यावेळी ते बोलत होते. ग्रामपंचायत सदस्य रामचंद्र जगताप, डॉ. सुधीर जगताप, रामचंद्र भिमराव जगताप, आनंदराव जगताप, माजी सरपंच राजन संदे, संजय पाटील, सतीश पाटील उपस्थित होते. डॉ. मोहिते म्हणाले, "आमचा गट व अविनाश मोहिते गटाच्या आघाडीबाबत अद्याप सकारात्मक चर्चा आहे. आघाडी करताना एकत्रित लक्ष्य पाहिजे. परस्पर विरोधी लक्ष उपयोगाचे नाही. गेल्या दोन-तीन महिन्यांपासून निवडणुकीत दोन पावले मागे-पुढे सरकण्याची माझी तयारी आहे. परंतु, अविनाश मोहिते हट्टी आहेत. वेळेवर निर्णय न झाल्याने एकत्रीकरण मावळत चालले आहे. 

केंद्राला सहकारी साखर कारखानदारी मोडीत काढायची आहे का?; गृहराज्यमंत्र्यांचा मोदी सरकारला सवाल

डॉ. सुरेश भोसले यांनी सहा वर्षात कडेगाव व खानापूर तालूक्‍यातील 600 सभासदांचे सक्तीने राजीनामे घेतले आहेत. साडेपाच हजार सभासदांना मतदानापासून वंचित ठेवले आहे. त्या कुरघड्यातून नुरा कुस्ती खेळण्याचा सत्ताधाऱ्यांचा डाव आहे. अविनाश मोहिते यांनी अध्यक्ष असताना अक्रियाशीलतेची पावले उचलली. डॉ. भोसले यांनी त्या प्रक्रियेस गती दिली. प्रक्रियेस संचालक मंडळाच्या बैठकीत प्रोसिडींग कायम करताना अविनाश मोहितेंनी विरोध का केला नाही. त्यामुळे सभासदांच्या अक्रियाशीलतेला सुरेश भोसले व अविनाश मोहिते जबाबदार आहेत. कृष्णा कारखान्यात ऊसाचे गेटकेन आणायचे. सभासदांचा ऊस जयवंत शुगर्सला न्यायचा. हे काय प्रकरण आहे.'' या वेळी आनंदराव जगताप यांचे भाषण झाले. डॉ. सुधीर जगताप यांनी प्रास्ताविक केले. 

पाच राज्यात निवडणुका सुरू आहेत, म्हणून वित्त मंत्रालयाने निर्णय बदला का?; काॅंग्रेसच्या बड्या नेत्याची अर्थमंत्र्यांवर टीका

दिवाळखोरीत गेलेल्या कराड बॅंकेच्या 42 हजार ठेवीदारांचे पैसे परत मिळणार; रिझर्व्ह बॅंकेकडे 400 कोटींचे प्रस्ताव

ऐन परीक्षेत एसटीअभावी विद्यार्थ्यांची कुचंबना; आगारप्रमुखांनी तातडीने लक्ष घालण्याची गरज

संपादन : बाळकृष्ण मधाळे