उंब्रज (जि. सातारा) : उंब्रजसह परिसरात बुधवारी रात्री झालेल्या मुसळधार पावसाने जनजीवन विस्कळीत झाले आहे. सातारासह क-हाड तालुक्यातील अनेक सखल भागात पाणी साचले आहे. शिवडे (ता. कराड) येथे उभारण्यात आलेल्या सहयोग विलगीकरण कक्षाच्या आवारात उत्तर मांड नदीचे पाणी शिरल्याने २९ कोरोना रुग्ण विलगीकरण कक्षात अडकले असून रुग्णांसह प्रशासनाची तारांबळ उडाली आहे. (satara-rain-update-water-logged-covid19-isolation-center-umbraj)

उंब्रजसह परिसराला बुधवारी रात्री झालेल्या मुसळधार पावसाने झोडपून काढले. उत्तर मांड नदीकाठावरील शेतीसह घरे, विटभट्टीमध्ये नदीचे पाणी शिरले आहे. शिवडे येथे रोटरी क्लब उंब्रज, ग्रामपंचायत उंब्रज, ग्रामपंचायत शिवडे याच्या माध्यमातून उभारण्यात सहयोग विलगीकरण कक्षाच्या आवारातही पाणी साठल्याने कक्षातील रुग्ण अडकले आहेत.

अचानक पावसाचे पाणी साठल्याने प्रशासनासह संयोजकांची तारांबळ उडाली होती. प्रशासनाने उपाययोजना करण्यास सुरवात केली आहे. दरम्यान पावसाचा जाेर आेसरु लागला असला तरी नदी काठच्या ग्रामस्थांनी सतर्क रहावे असे आवाहन प्रशासनाने केले आहे.