Crime Chori sakal
सातारा

सातारा : चाफळ विभागामध्ये १५ ठिकाणी घरफोड्या

जाळगेवाडी, माथनेवाडी, गमेवाडी व माजगावात घबराट

सकाळ वृत्तसेवा

चाफळ : चाफळजवळील जाळगेवाडी, माथनेवाडी, गमेवाडी व माजगाव येथे एकाच रात्रीत १५ ठिकाणी चोरट्यांनी घरफोडी केल्याची घटना आज सकाळी उघडकीस आली. चोरट्यांनी १९ तोळे सोन्याचे दागिने, रोख रक्कम लंपास केल्याने नागरिकांत भीतीचे वातावरण निर्माण झाले आहे.

घटनास्थळावरून मिळालेल्या माहितीनुसार, जाळगेवाडी येथील महादेव भिकू चव्हाण हे कवठेकरवाडी येथील पाहुण्यांकडे मुक्कामी गेले होते. चोरट्यांनी त्यांच्या घरातील पेटीमध्ये असलेल्‍या दोन चेन, दोन बोरमाळ, कानातील दोन सेट असे मिळून सुमारे सात तोळे सोन्याचे दागिने लंपास केले.

तात्याबा मानकर यांच्या लहान मुलाचे दागिनेही लंपास करण्यात आले. गमेवाडी येथील मुबारक अब्दुल मुल्ला हे कामानिमित्त परगावी गेले होते, त्यावेळी त्यांच्या बंद घरातील १२ तोळे सोन्याचे दागिने व रोख दहा हजार रुपये चोरट्यांनी चोरून नेले. जाळगेवाडी येथील बाळाराम गणपत साळुंखे, अमोल चंदर साळुंखे, श्रीरंग पांडुरंग साळुंखे, महादेव लक्ष्मण साळुंखे, रामचंद्र लक्ष्मण साळुंखे, कृष्ण शंकर काटे, साहेबराव अंतू शिंदे, तर माथनेवाडीतील आत्माराम नारायण माथने, आनंदा शिवराम माथने व गमेवाडीतील डॉ. अमोल बाळकृष्ण देसाई, माजगाव येथील निवृत्त पोलिस शिवाजी किसन मिरोखे (सध्या रा. मुंबई) व मोहनराव कृष्णराव देशमुख यांच्या घरातील साहित्य व रोख रक्कम चोरीस गेली. एकाच रात्रीत १५ ठिकाणी झालेल्या चोऱ्यांमुळे चाफळ परिसरात घबराटीचे वातावरण निर्माण झाले आहेत. दरम्यान, घटनास्थळी पोलिसांनी भेट देऊन माहिती घेतली.

सीसीटीव्ही बसवण्याची मागणी

चाफळ परिसरात यापूर्वी चार महिन्यांत दोन वेळा चोऱ्या झाल्या आहेत. संबंधित चोरीचा तपास अजूनही लागला नसताना काल मध्यरात्रीनंतर झालेल्या चोऱ्यांमुळे नागरिकांत भीतीचे वातावरण आहे. त्यामुळे पोलिसांनी तातडीने तपास लावावा, यासह गावातील चौकांमध्ये सीसीटीव्ही कॅमेरे बसवावेत, अशी मागणी नागरिकांतून होत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mohan Bhagwat: ७५ वर्षांसंबंधीचं 'ते' विधान भागवतांनी नेमकं का केलं? संघाकडून स्पष्टीकरण, विरोधकांचा मोदींवर रोख

Manchar News : काय सांगता! वृद्ध महिलेचे घरच गेले ‘चोरीला’; न्यायासाठी धावपळ सुरू

Latest Marathi News Updates : चौथ्या दिवशीही शक्तीपीठाची मोजणी शेतकऱ्यांनी रोखली, पोलिसांसोबत वाद

Palghar News: वसई-विरारमध्ये नालासोपाऱ्यात अमली पदार्थांचा पर्दाफाश, 12 आरोपी अटक

IND vs ENG 3rd Test: 'चेंडू'वरून रामायण! शुभमन गिलचं वाद घालणं चुकीचं नव्हतं; अम्पायरने काय केले, ते वाचाच...

SCROLL FOR NEXT