कोरेगाव (जि. सातारा) : येथील उपजिल्हा रुग्णालयातील कोरोना सेंटरमध्ये उपचार घेऊन बरे झालेल्या तीन रुग्णांना टाळ्यांच्या गजरात घरी सोडण्यात आले. त्यात कटापूर (ता. कोरेगाव) येथील एकाच घरातील दोन महिला, तसेच निढळ (ता. खटाव) येथील एका महिलेचा समावेश आहे.
येथील ग्रामीण रुग्णालयामध्ये कोरोना सेंटर स्थापन झाल्यानंतर याठिकाणी गेल्या 12 एप्रिलपासून कोरोना संशयितांच्या घशातील नमुने घेण्यास सुरुवात झाली. त्यानुसार आतापर्यंत 520 नमुने घेतले आहेत. दरम्यान, उपजिल्हा रुग्णालयाचा ताबा घेऊन आवश्यक ती पूर्वतयारी केल्यानंतर गेल्या तीन तारखेपासून याठिकाणी कोरोनाच्या रुग्णांवर उपचार सुरू झालेले आहेत. पहिल्या दिवशी कटापूर येथील दोन, तर निढळ येथील एक, असे तीन महिला रुग्ण दाखल झाले. त्यानंतर घिगेवाडी येथील तीन रुग्ण दाखल झाले.
दरम्यान, पहिल्या दिवशी दाखल झालेले व उपचार घेऊन बरे झालेले पहिले तीन रुग्ण घरी सोडण्यात आले. प्रांताधिकारी कीर्ती नलावडे, नायब तहसीलदार विठ्ठल काळे, ग्रामीण रुग्णालयाचे डॉ. वाय. एस. कर्पे, डॉ. अरुण जाधव, तालुका आरोग्य अधिकारी डॉ. राजेंद्र जाधव, "आयएमए'चे अध्यक्ष डॉ. विजय झोरे, सरचिटणीस डॉ. राजेंद्र गोसावी,डॉ. युवराज पवार, डॉ. आशुतोष बर्गे, डॉ. संजय मोरे, डॉ. शीतल गोसावी, डॉ. ओमकार पाटील, डॉ. भंडारी, डॉ. मिलिंद शहा, डॉ. काबरा, डॉ. दिसले आदींसह आरोग्य कर्मचाऱ्यांनी तिन्ही रुग्णांना घरी जाण्यासाठी टाळ्यांच्या गजरात निरोप दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.