सातारा : शहरातील प्रत्येक प्रभागात मोठी कामे होण्यासाठी एकूण १५ कोटी रुपयांची विकासकामे आम्ही स्वत: मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडे प्रस्तावित केली होती. प्रस्‍तावित कामांपैकी १० कोटी रुपयांच्या १७ कामांना मंजुरी मिळाल्‍याची माहिती खासदार उदयनराजे भोसले यांनी पत्रकाद्वारे दिली.

मंजूर कामांनुसार दौलतनगर, श्रीनाथ कॉलनी, रामकुंड, शिवमुद्रा कॉलनी, पिलेश्वरनगर येथील अंतर्गत रस्ते, खुली जागा विकसनासाठी ६५ लाख, सदरबझार परिसर, लक्ष्मी टेकडी व हद्दवाढ भागातील रस्‍ते व इतर कामांसाठी ५५ लाख, सदरबझार तसेच पिरवाडी, उत्तेकरनगर येथील रस्‍ते कामासाठी ९० लाख, देशमुख कॉलनी,

गणेश कॉलनी, सिव्हिल कॉलनी, शिक्षक कॉलनीसह परिसरातील रस्‍ते व इतर कामांसाठी ६५ लाख, करंजे येथील अंतर्गत रस्ते, तसेच ड्रेनेज व्यवस्थेसाठी ४३ लाख, प्रतापगंज पेठेतील लकेरी कॉर्नर ते देशमुख घर ते इंगवले घर, बसाप्पा पेठ, मेहेर देशमुख कॉलनीतील रस्‍त्‍यांसाठी व ड्रेनेजसाठी ९२ लाख, तामजाईनगर परिसर, आकाशवाणी,

मतकर कॉलनी, गेंडामाळ झोपडपट्टी, नालंदानगर व परिसरातील विकासकामांसाठी ९८ लाख, शाहूपुरीतील जिल्हा परिषद कॉलनीसह इतर भागातील कामांसाठी १ कोटी ३ लाख, जानकर वस्तीच्‍या रस्त्यास दुतर्फा संरक्षक भिंत बांधणे, केसकर कॉलनी, मोरे कॉलनी, महादरे येथे पाइप ड्रेन, मोरे कॉलनी येथे अंगणवाडी, महादरे येथे संरक्षक भिंतीसाठी ६५ लाखांचा निधी मिळाला आहे.

शुक्रवार पेठेतील मोती तळे सुशोभीकरणासाठी ३८ लाख, परदेशी घर ते गार्डन सिटी ते चिंचेचे झाड, सावकार कॉर्नर ते वायदंडे घर, इतर भागातील कामांसाठी ५३ लाख, निलम कॉर्नर परिसरातील कामांसाठी ४२ लाख, त्‍याचबरोबर लगतच्‍या भागातील कामांसाठी ३३ लाख, देवी कॉलनी, ठक्कर सिटी, गोडोलीसह इतर भागातील रस्‍ते व इतर कामांसाठी ४८ लाख, विलासपूर, गोळीबार मैदान परिसरातील रस्‍ते, सीसीटीव्‍ही बसविणे व इतर कामांसाठी १ कोटी १० लाखांचा निधी उपलब्ध झाला आहे. या कामांसाठी देवेंद्र फडणवीस यांची भेट घेतली होती, असेही पत्रकात नमूद केले आहे.