Latest Marathi News: शिवसेना पक्षप्रमुख उध्दव बाळासाहेब ठाकरे यांच्या आदेशानुसार शिवसेना ठाकरे गटाच्या सातारा जिल्हा महिला आघाडीतर्फे बदलापूर शाळेतील प्रकाराचा येथील दत्त चौकात जाहीर निषेध करण्यात आला. यावेळी सरकारच्या विरोधात जोरदार घोषणाबाजी करण्यात आली. मागण्यांचे निवेदन पोलिस ठाण्यात देण्यात आले.

शिवसेना उपनेत्या छायाताई शिंदे, जिल्हा संघटिका अनिता जाधव, उपजिल्हा संघटिका कविता यादव, तालुका संघटिका सुषमा पाटील, संगीता जाधव, मलकापूर शहर संघटिका वनिता मोरे, कऱ्हाड शहर संघटिका वैशाली मोरे, दक्षिण तालुकाप्रमुख दिलीप यादव, शहर प्रमुख शशिराज करपे, उपशहर प्रमुख शेखर बर्गे, युवासेना शहर अधिकारी अक्षय गवळी, दक्षिण उप तालुका प्रमुख संभाजी जगताप, संजय चव्हाण, वाहतूक सेनेचे ज्ञानदेव भोसले, पोपट कांबळे, दशरथ धोत्रे आदींच्यातीने निवेदन देण्यात आले.

निवेदनातील माहिती अशी

बदलापुरमध्ये साडेतीन वर्षाच्या दोन मुलींवर शाळेतीलच नराधमाने अतिशय क्रूरपणे लैंगिक अत्याचार केला. संबंधित नराधमाच्या विरोधात पीडित पालक गुन्हा नोंदवण्यास गेल्यावर पोलीस व प्रशासनाकडून १२ तास कोणतीही कारवाई केली नाही. संबंधितावर कोणताही गुन्हा नोंदवण्यात आला नाही. पुणे येथील शालेय विद्यार्थीनीवर झालेल्या लैंगिक अत्याचाराचा अशा या घटना संताप जनक आहेत. अशा नराधमांना त्वरित फाशीची शिक्षा देणे द्यावी किंवा अशा नराधमांना जनतेच्या हवाली करावे.

यातना काय असतील हे या नराधमाला कळलेच पाहिजे. म्हणजे इथून पुढे पुढची महिला तरी किंवा मुलगी अशा यातनेतून वाचू शकेल. राज्य सरकार झोपलेल आहे. गृह खात करताय काय 0 महिला सुरक्षित नसताना लाडकी बहीणीच्या खात्यात पैसे देऊन काय उपयोग. आधी महिलांना सुरक्षा द्या अश्या मागण्या पोलीस प्रशासनास निवेदन देऊन करण्यात आल्या. यावेळी गृह खात्याचा निषेध करण्यात आला.