केळघर (जि. सातारा) : गेल्या अनेक वर्षांपासून प्रलंबित असलेल्या बोंडारवाडी धरणाचे काम तातडीने मार्गी लागण्यासाठी ठोस प्रयत्न करण्याची ग्वाही अधीक्षक अभियंता प्रकाश मिसाळ यांनी दिली.
केळघर, मेढा विभागातील 54 गावांसाठी बोंडारवाडी धरण हा कळीचा मुद्दा असून, धरण कृती समितीच्या माध्यमातून सातत्याने पाठपुरावा करण्यात येत आहे. या पाठपुराव्याला आता यश आले असून, कृती समितीच्या विनंतीची तातडीने दखल घेऊन अधीक्षक अभियंता श्री. मिसाळ यांनी सातारा येथे कृती समितीसोबत नुकतीच एक बैठक आयोजित केली होती. त्यात कृती समितीचे निमंत्रक विजयराव मोकाशी यांनी "ट्रायल पिट'चे काम जलसंपदा विभागाने तातडीने करावे, अशी मागणी केली होती. त्यानुसार श्री. मिसाळ यांनी त्वरित ट्रायल पिट केली जाईल, असे आश्वासन यावेळी कृती समितीला दिले.
मात्र, प्रशासनाने लवकरात लवकर "ट्रायल पिट' करावी, अशी मागणी कृती समितीने केली. त्यावर श्री. मिसाळ यांनीही "ट्रायल पिट' करण्याच्या सूचना संबंधित अधिकाऱ्यांना लगेच दिल्या, तसेच महाराष्ट्र जीवन प्राधिकरणलाही आवश्‍यक निर्देश दिले. अधीक्षक अभियंता श्री. मिसाळ यांनी तातडीने दखल घेतल्याने बोंडारवाडी धरणाचे काम लवकरच मार्गी लागेल याची कृती समितीला खात्री आहे, असे निमंत्रक श्री. मोकाशी यांनी यावेळी सांगितले.
या बैठकीस कार्यकारी अभियंता एम. एस. धुळे, उपअभियंता जे. आर. बर्गे, कृती समितीचे निमंत्रक मोकाशी, श्रमिक जनता संस्थेचे अध्यक्ष आदिनाथ ओंबळे, उद्योजक नारायण सुर्वे उपस्थित होते. या वेळी सातारा जिल्ह्यात नव्याने हजर झाल्यामुळे श्री. मिसाळ यांचे कृती समितीच्या वतीने स्वागत करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.