शिरवडे (जि. सातारा) : कोरोना संसर्गातील जमावबंदी आदेशानंतर शासनाकडून प्रत्यक्ष शिक्षणास परवानगी देण्यात आली आहे. फक्त नववी व दहावीचे वर्ग सुरू होत असून, सात महिने शुकशुकाट असणाऱ्या शाळांत आज सोमवार पुन्हा विद्यार्थी दिसतील.

पालकांनी विद्यार्थ्यांना आणणे-नेणे यासह शिक्षणांसाठी संमतीपत्र द्यावे लागणार आहे. विद्यार्थ्यांना उपस्थितीबाबत सक्ती नाही. प्रवेश देताना सॅनिटायझर, तापमान तपासणी होईल. प्रत्येक विद्यार्थी स्वतंत्र बाकावर बसविले जातील. एकमेकांत सामाजिक अंतर राखणे बंधनकारक आहे. सर्व विद्यार्थी व शिक्षकांना मास्क आवश्‍यक आहे. शैक्षणिक साहित्याचा एकमेकांत वापर करता येणार नाही. एकूण चार तासिका घेण्यात येतील. 

शाळा, कॉलेजबाबतचा संभ्रम दूर; सोमवारपासून नववी ते बारावीचे वर्ग होणार सुरू

विद्यार्थ्यांचे व्हॉटसऍप ग्रुप केले आहेत. पालकही सूचना करू शकतात, असे शालेय व्यवस्थापनाकडून सांगण्यात आले. बऱ्याच कालावधीनंतर शाळा सुरू होत आहेत; परंतु कोरोनाचा धोका पूर्णपणे टळलेला नाही. अभ्यासक्रम शिकवताना जे यंदा समजले नाही ते पुढील वर्गात गेल्यावरही शिकवण्यात यावे, अशी सूचना परशुराम जाधव यांनी केली. 

संपादन : बाळकृष्ण मधाळे