सातारा : शिरवळच्या विशेष ग्रामसभेत सरपंच लक्ष्मी पानसरे यांच्यावरील अविश्‍वास प्रस्ताव टळल्यानंतर पानसरेंच्या समर्थकांनी विजयी मिरवणुक काढली. जिल्ह्यात जमावबंदी असताना विजयी मिरवणुक काढल्याने शिरवळ पोलिस ठाण्यात सरपंच यांच्यासह सुमारे 52 जणांवर गुन्हा दाखल झाला आहे.
अजित पवारांचा डाव; साता-यातील कार्यकर्ते चक्रव्यूहात!

शुक्रवारी शिरवळमध्ये विशेष ग्रामसभा झाली. या सभेत सरपंच लक्ष्मी पानसरे यांनी त्यांच्यावरील अविश्‍वास प्रस्ताव टळला. जनतेने थेट निवडून आलेल्या सरपंचांना पुन्हा कौल दिला. यामुळे आनंदित झालेल्या पानसरेंच्या सर्मथकांनी सरपंच लक्ष्मी पानसरे यांची विजयी मिरवणुक काढली. दरम्यान सातारा जिल्ह्यात जिल्हाधिकारी शेखर सिंह यांनी जमावबंदीचा आदेश लागू केला आहे. तसेच सरपंच पानसरे यांना देखील शिरवळ पोलिसांनी त्याबाबत नोटीस काढून बजावले होते. तरीही विजयी मिरवणुक निघाल्याने पोलिसांनी गुन्हे दाखल केले.

शिरवळकरांचा भाजपच्या सरपंचांवर विश्वास; राष्ट्रवादीसह विरोधी गटाची 714 मतांनी धोबीपछाड

यामध्ये सरपंच लक्ष्मी पानसरे, अनुप सूर्यवंशी, चंद्रकांत भुतकर, समीर पानसरे, प्रदीप माने, राहूल हाडके, अजिंक्‍य कांबळे यांच्यासह सुमारे 52 जणांवर गुन्हा दाखल झालेला आहे. याबाबतची माहिती आणि फिर्याद सहाय्यक पोलिस उपनिरीक्षक राजू अहिरराव यांनी दिली आहे.
 

— Siddharth Latkar (@siddharthSakal) December 21, 2020