सातारा : पदवीधरांचे प्रश्‍न सोडविण्यासाठी मी माझी उमेदवारी जाहीर केली असून, गेली दोन वर्षे आम्ही या मतदारसंघात काम करत असून, पदवीधर विकास महामंडळ स्थापन करण्यासाठी माझा प्रयत्न राहील. चारही पक्षांकडून यापूर्वी अनेक वेळा निवडणुकीत पराभूत झालेल्यांना उमेदवारी देण्यात आली आहे. या पडीक उमेदवारांना नाकारत पदवीधरांनी इतिहास घडविण्याचे आवाहन डॉ. श्रीमंत कोकाटे यांनी आज येथील पत्रकार परिषदेत केले. या वेळी संभाजी ब्रिग्रेडचे प्रदेशाध्यक्ष प्रवीणदादा गायकवाड, चंद्रकांत पाटील उपस्थित हाेते.
 
पुणे पदवीधर मतदारसंघाच्या निवडणुकीत डॉ. कोकाटे हे उमेदवार असून, त्या प्रचारासाठी ते आज सातारा दौऱ्यावर आले होते. कोकाटे म्हणाले, ""पदवीधर विरुद्ध साखर कारखानदार असा मुकाबला पुणे विभागात होत आहे. ज्या कारखानदारांनी काटा मारत खिसे भरले. त्यांनाच प्रस्थापित पक्षांनी उमेदवारी दिली आहे. काटा मारणाऱ्या या उमेदवारांचा काटा पदवीधर काढतील.'' 

ही पदवीधरची निवडणूक आहे, आता माघार नाही ; डॉ. श्रीमंत कोकाटे

प्रवीणदादा गायकवाड यांनी राष्ट्रवादी कॉंग्रेस, कॉंग्रेस, शिवसेना व भाजपच्या कार्यपद्धतीवर टीका करत कोकाटे यांच्या विजयाचा दावा केला. यावेळी इतर मान्यवरांची भाषणे झाली.

Edited By : Siddharth Latkar