उंडाळे (जि. सातारा) : शेवाळेवाडी- म्हासोली येथील अथणी- रयत साखर कारखान्याने यंदाचे 16 ते 31 जानेवारी अशा पंधरवड्यातील गळीत केलेल्या उसाचे प्रतिमेट्रिक टन दोन हजार 900 रुपयांप्रमाणे ऊसबिल संबंधित शेतकऱ्यांच्या बॅंक खात्यावर जमा केले आहे, अशी माहिती अथणी शुगर्सचे कार्यकारी संचालक योगेश पाटील यांनी दिली. "रयत'चे अध्यक्ष ऍड. उदयसिंह पाटील-उंडाळकर, युनिट प्रमुख रवींद्र देशमुख उपस्थित होते.
 
अथणी शुगर्सच्या रयत युनिटने चालू गळीत हंगामात आजअखेर 116 दिवसांत तीन लाख 55 हजार 420 मेट्रिक टन उसाचे गाळप केले आहे. सरासरी 12.02 टक्‍क्‍यांनी साखर उतारा राखला आहे. चार लाख 22 हजार 270 क्विंटल साखर पोत्यांचे उत्पादन केले आहे. शेतकऱ्यांनी कारखान्यावर दाखविलेला विश्वास, शेतकऱ्यांचे हित विचारात घेऊन या गळीत हंगामातील गाळपास आलेल्या उसास एफआरपी दोन हजार 867 रुपये असताना त्यापेक्षा जादा दर देण्याची परंपरा कायम ठेवली आहे. 

यापुढेही उसाला वेळेवर आणि चांगला दर देण्याची भूमिका अथणी शुगर्सची असल्याचेही त्यांनी या वेळी सांगितले. यंदासाठी निश्‍चित केलेल्या पाच लाख मेट्रिक टन गळिताचे उद्दिष्ट पूर्ण करण्यासाठी ऊस उत्पादकांनी जास्तीतजास्त ऊस अथणी शुगर्स रयत युनिट कारखान्यास पाठवून सहकार्य करावे, असे आवाहन कारखाना व्यवस्थापनाने केले आहे.

ज्या माणसाने स्वतःच्या दोन बॅंका विकल्या, पाच संस्था मोडीत काढल्या 'ते' राष्ट्रवादीत नकोत

पाकिस्तानात आज फडकणार भगवा; उदयनराजेही असणार उपस्थितीत

झऱ्यांच्या पाण्यासाठी अश्रूंचे झरे! पोलिस व महसूल प्रशासनाला फुटेना पाझर

चर्चाच चर्चा! उदयनराजेंची उद्धव ठाकरेंशी,शिवेंद्रसिंहराजे - अजित पवार

विष्णू श्री स्मृती बंगल्यात गांजासदृश वनस्पतीची लागवड; जर्मन युवकांना अटक

Edited By : Siddharth Latkar