सातारा : खासदार उदयनराजे भोसले हे आज (साेमवार) आमदार शिवेंद्रसिंहराजे भाेसले यांचे निवासस्थान असलेल्या सुरुची बंगला येथे सुमारे सकाळी साडे अकराच्या सुुमारास गेले. उदयनराजेंची गाडी सुरुची बंगला येथे जाताच हे दृष्य पाहणा-या नागरिकांच्या भुवया उंचावल्या गेल्या.

सुरुची बंगला येथे आमदार शिवेंद्रसिंहराजे भाेसले हे त्यांच्या दैनंदिन कामात व्यस्त हाेते. नागरिकांची एक एक कामे त्यांच्याकडून केली जात हाेती. दरम्यान त्याचवेळेत उदयनराजेंची गाडी सुरुचीत येताच तेथील उपस्थित नागरिकही अंचबित झाले.

उदयनराजे हे गाडीतून उतरताच शिवेंद्रसिंहराजेंनी त्यांना नमस्कार केला. त्यानंतर उदयनराजेंनी शिवेंद्रसिंहराजेंच्या हातात एक पत्रिका दिली. दाेघांमध्ये थाेडक्यात संवाद झाला आणि त्यानंतर उदयनराजे हे त्यांच्या दैनंदिन कामासाठी सुरुची बंगल्यातून बाहेर पडले. 

दरम्यान नाशिक येथे असलेले नातेवाईकांच्या लग्नाचे आमंत्रण देण्यासाठी खासदार उदयनराजे भोसले हे आमदार शिवेंद्रसिंहराजे भोसले यांच्या निवासस्थानी गेले हाेते. ही भेट काैटुंबिक हाेती. या भेटीदरम्यान कोणतीही राजकीय चर्चा झाली नाही असे दाेन्ही राजेंच्या निकटवर्तीयांनी ई-सकाळशी बाेलताना नमूद केले.

पंढरीच्या मठातील धरपकडीवर अक्षयमहाराज आक्रमक

सातारकरांनाे! लॉकडाउन टाळणे आपल्याच हाती

Covid19 Update : दहिवडी, लाेणंदला आढळले सर्वाधिक बाधित

सेनेने जाहीर केली सातारा पालिका निवडणूकीची रणनीती

चहासोबत कधी कोबी डाळ वडा खालाय?; मग आजच शिकून घ्या ही भन्नाट रेसिपी