शिवथर (जि. सातारा) : येथील स्वातंत्र्यसेनानी उषादेवी किसनराव साबळे- पाटील यांचे (वय 88) वृद्धापकाळाने बुधवारी (ता.31 मार्च) निधन झाले. (कै.) स्वातंत्र्यसेनानी किसनराव साबळे- पाटील यांच्या सहचारिणी, प्रदीप साबळे- पाटील आणि जिल्हा परिषदेचे माजी कृषी सभापती किरण साबळे- पाटील यांच्या त्या मातोश्री व पाडळी (ता. कोरेगाव) येथील सत्यशोधक बाळासाहेब फाळके त्यांच्या भगिनी होत. 

उषादेवी या सत्यशोधक चळवळीमध्ये सातत्याने सहभागी होत्या. स्वातंत्र्यसंग्राम चळवळ व गोवा मुक्ती लढ्यामध्ये सातत्याने पुढाकार घेत महिलांवर होणाऱ्या अन्यायाला वाचा फोडत किसनराव साबळे- पाटील यांच्या खांद्याला खांदा लावून त्या भक्कमपणे उभ्या होत्या.

शिवथर पंचक्रोशीमध्ये सामुदायिक विवाह सोहळ्याची संकल्पना उभी करत शेकडो कुटुंबीयांचे विवाह सोहळे साजरे करून पंचक्रोशीमध्ये त्यांनी आदर्श निर्माण केला. दोन्ही मुलांना समाजकार्य करत असताना त्यांनी राजकीयदृष्ट्या मार्गदर्शन करत गावच्या विकासाच्या दृष्टीने नवनवीन उपक्रमांची योजना हाती घेतल्या. 

कोरोनाच्या दुसऱ्या लाटेचा फटका महाराष्ट्राला बसला; केंद्राकडून रुग्णसंख्येवर लशीचा पुरवठा व्हावा पृथ्वीराज चव्हाणांची मागणी 

सातारा : मिलिटरी कॅन्टीन तीन दिवस राहणार बंद 

कऱ्हाडात धुळोबा डोंगरावरची वृक्षसंपदा जळून खाक; ठिबक सिंचनासह झाडांचे मोठे नुकसान

Edited By : Siddharth Latkar