कोयनानगर : कोयना धरण पाणलोट क्षेत्रात पून्हा पावसाचा जोर वाढला आहे. कोयना, नवजा व महाबळेश्वर येथे पावसाची जोरदार बॅटिंग सुरूच असल्याने कोयना धरणाच्या पाणीसाठ्यात चोवीस तासात अडीच टीएमसीने वाढ झाली आहे. धरणात सध्या २५.६० टीएमसी पाणी साठा झाला आहे. गेल्या चोवीस तासात कोयना धरण पाणलोट क्षेत्रातील कोयनानगर येथे ७६ मिलीमीटर, नवजा येथे ८९ मिमी तर महाबळेश्वर १३५ मिलीमीटर पावसाची नोंद झाली आहे.

पाणलोट क्षेत्रात पडणाऱ्या पावसामुळे धरणात येणाऱ्या पाण्याची आवक २६ हजार ७३६ क्युसेक झाली आहे. शनिवारी सकाळ पासुनच पाणलोट क्षेत्रात पावसाचा जोर वाढला आहे. आज सकाळपासुन कोयनानगर येथे ४० मिलीमीटर, नवजा येथे ३६ मिलीमीटर तर महाबळेश्वर येथे २५ मिलीमीटीर पावसाची नोंद झाली आहे. धरणाची जलपातळी २०६७ फुट झाली असून धरणात २५.६० टीएमसी पाणीसाठा झाला आहे.