विंग (सातारा) : कोळे प्राथमिक आरोग्य केंद्राअंतर्गत (Kole Primary Health Center) विंग, पोतले, कोळे गावात कोरोना बाधिताचे (Corona Patient) आकडे चिंताजनक आहेत. विंग 29 तर पोतले 34 अॅक्टीव्ह रूग्ण असून ही गावे कोरोनाची हॅाटस्पॅाट बनली आहेत. बाधिताच्या संपर्कातील कोरोना चाचणीला (Corona Test) फारसा प्रतिसाद मिळत नाही. (Wing Potale Kole Village Corona Hotspot Center In Satara District)

कोळे प्राथमिक आरोग्य केंद्राअंतर्गत 17 गावे येतात. आजअखेर बाधित रूग्णांनी हजारचा टप्पा केव्हाच ओंलाडला आहे. गतवर्षी मार्चदरम्यान व विभागात वानरवाडी येथे कोरोनाचा शिरकाव झाला. तेव्हापासून संसर्ग वाढत गेला. 17 गावात विंगसह पोतले गावातील बाधिताची आकडेवारी चिंताजनक आहे. ही गावे कोरोनाची हॅाटस्पॅाट बनली आहेत. त्यानंतर कोळेत 24 चचेगाव 13 तर आणे 13 तर घारेवाडीत 10 च्या वर अॅक्टीव्ह रूग्ण आहेत. कुसूरमध्ये नऊ अॅक्टीव्ह रूग्ण आहेत.

विभागात अंबवडे, बामणवाडी वानरवाडी, शिंदेवाडी-विंग गावांनी कोरोनावर मात केली आहे. कोळेवाडी, येरवळेत तीन तर तर येणके व तारूख प्रत्येकी एक रूग्ण आहे. कोळे प्राथमीक आरोग्य केंद्राअंतर्गत 17 गावात एक हजार 146 बाधिताची संख्या आजअखेर आहे. पैकी 170 अॅक्टीव्ह रूग्ण असून 119 होम आयसोलेशन व विलगीकरण केंद्रात दाखल आहेत. 59 रूग्णालयात उपचार घेत आहेत. 900 हून अधिक जण कोरोनामुक्त झाले आहेत. 54 जणांचा कोरोनामुळे मृत्यु झाल्याचे आरोग्य विभागाने सांगितले.

Wing Potale Kole Village Corona Hotspot Center In Satara District