कऱ्हाड : कृषी व औद्योगिक विकासातून ज्येष्ठ नेते यशवंतराव चव्हाण आधुनिक महाराष्ट्राचा पाया घालण्याचे काम केले. त्यांना सरकारतर्फे अभनवादन करतो, अशा शब्दात मुख्यमंत्री एकनाथ शिंदे यांनी त्यांना आदरांजली वाहिली. ज्येष्ठ नेते चव्हाण यांच्या पुण्यतिथीनिमित्त मुख्यमंत्री शिंदे यांनी आज त्यांच्या समाधीस्थळी जावून अभिवादन केले. त्यावेळी ते बोलत होते. यावेळी पालकमंत्री शंभूराज देसाई, माजी मुख्यमंत्री पृथ्वीराज चव्हाण यांच्यासह अ्य मान्यवर उपस्थित होते.
ज्येष्ठ नेते चव्हाण यांची ३८ वी पुण्यतिथी आहे. त्या निमित्त अनेकांनी त्यांच्या समाधीस्थळी जावून त्यांना आदरांजली वाहिली. मुख्यमंत्री शिंदे यांच्यासह पालकमंत्री देसाई, माजी मुख्यमंत्री चव्हाण, मंत्री उदय सामंत, माजी मंत्री आमदार बाळासाहेब पाटील, खासदार श्रीनिवास पाटील, जेष्ठ नेते विक्रमसिंह पाटणकर, भाजपचे जिल्हाध्यक्ष आमदार जयकुमार गोरे, आमदार महेश शिंदे, प्रभाकर देशमुख, भाजपचे प्रदेश सचिव अतुल भोसले, पुरूषोत्तम जाधव, माजी सभापती देवराज पाटील, राष्ट्रवादीचे नंदकुमार बटाणे, कॉग्रेसचे भानुदास माळी यांच्यासह राजकीय पदाधिकारी, शासकीय अधिकारी उपस्थित होते.
मुख्यमंत्री शिंदे म्हणाले, ज्येष्ठ नेते य़सवंतराव चव्हाण यांनी महाराष्ठ्राचा मंगल कलश आणला. त्यांच्या स्मृतीला अभिवादन केले आहे. त्यांनी खऱ्या अर्थाने औद्योगिक व कृषी विकास साधाला. त्यामुळे आज राज्य त्यांच्या विचारवर चालतो आहे. त्यामुळे त्यांच्या समाधी स्थळी शासकीय अधिकारी व राज्य सरकारतर्फे अभिवादन करत आहोत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.