महाबळेश्वर : महाबळेश्वर तालुक्यातील एका गावात राहणाऱ्या सतरा वर्षीय पीडित तरुणीने एका तरुणाच्या वारंवार देत असलेल्या त्रासाला कंटाळून राहत्या घरी विष प्राशन करून आत्महत्येचा प्रयत्न केल्याची तक्रार दाखल झाली असून उपचारा दरम्यान या मुलीचा दुर्दैवी अंत झाला. याबाबत मिळालेली माहिती अशी की, सतरा वर्षीय पीडित तरुणी ही तळदेव येथील महाविद्यालयात शिकण्यास होती. झांजवड या गावातील नितेश शंकर जाधव या तरुणाने पीडित मुलीस महाविद्यालयात येता-जाता रस्त्यामध्ये अडवून ''माझे तुझ्यावरती प्रेम आहे.
तू मला आवडतेस..तू माझ्याशी लग्न कर, तू जर माझ्याशी लग्न केले नाहीस तर मी तुला पळवून नेऊन तुझ्याशी लग्न करेन'' असे म्हणून तरुणीला वारंवार त्रास देत होता. या त्रासाला कंटाळून तरुणीने राहत्या घरीच विष प्राशन करून आत्महत्येचा प्रयत्न केला. तरुणीच्या कुटुंबीयांनी तातडीने तिला महाबळेश्वर ग्रामीण रुग्णालयात उपचारासाठी दाखल केले. प्राथमिक उपचारानंतर तरुणीस सातारा जिल्हा रुग्णालयात दाखल करण्यात आले होते. उपचारा दरम्यान तिचा दुर्दैवी अंत झाला. याबाबतची खबर महाबळेश्वर पोलीस ठाण्यात तरुणीच्या आजोबांनी दिली असून महाबळेश्वर पोलिसांनी नितेश शंकर जाधव रा. झांजवड, ता. महाबळेश्वर या तरुणावर भा.द.वी ३०६ आत्महत्येस प्रवृत्त केल्याप्रकरणी गुन्हा दाखल केला असून अधिक तपास पो. नी. संदीप भागवत, पो. हवा. नवनाथ शिंदे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.