कऱ्हाड (सातारा) : इलेक्ट्रिक दुचाकीची (Electric Bike) बॅटरी चार्जिंगला लावताना शॉक लागून युवतीचा दुर्दैवी मृत्यू झालाय. म्होप्रे इथं शुक्रवारी रात्री ही घटना घडलीय. शिवानी अनिल पाटील (वय २३) असं मृत्यू झालेल्या युवतीचं नाव आहे.

पोलिसांनी दिलेल्या माहितीनुसार, म्होप्रे येथील शिवानी पाटीलची (Shivani Patil) इलेक्ट्रिक दुचाकी आहे. शुक्रवारी बाहेरगावी जाणार असल्यामुळं दुचाकीच्या बॅटरीचे चार्जिंग तपासले. चार्जिंग कमी असल्याचे निदर्शनास आल्यानंतर शिवानीनं दुचाकीची बॅटरी काढली.

चार्जिंगला लावण्यासाठी ती घरामध्ये गेली. दरम्यान, बॅटरी चार्जिंगला लावताना अचानक शिवानीला शॉक लागला. त्यामध्ये ती गंभीर जखमी झाली. नातेवाईकांनी तीला उपचारार्थ रुग्णालयात हलवलं. मात्र, उपचारावेळी तीचा मृत्यू झाला. या घटनेची नोंद तालुका पोलीस ठाण्यात (Karad Police) झालीय.