मुंबई : केंद्र सरकारने देशात 5G spectrum ला परवानगी दिली आहे. त्यामुळे लवकरच देशात 5G सेवा सुरू होणार आहे. यामुळे वापरकर्त्यांना नक्की काय फायदा होईल हे जाणून घेऊ या....

5G म्हणजे काय ?

5G म्हणजे फिफ्थ जनरेशन ऑफ मोबाईल नेटवर्क. यामुळे नेटचा वेग वाढेल. विना अडथळा एचडी व्हिडिओ सर्फिंग करता येईल. 5G म्हणजे 4Gची पुढील आवृत्ती आहे. यामुळे ग्राहकांना क्लाऊडशी थेट कनेक्ट होता येईल.

फायदा काय ?

१. 4Gपेक्षा दहापट जास्त वेगवान इंटरनेट मिळेल.

२. व्हॉट्सअॅप आणि गुगल ड्युओ यांच्या माध्यमातून विनाअडथळा व्हिडिओ कॉल्स करता येतील.

३. युट्यूब आणि ओटीटीवर विनाअडथळा व्हिडिओ कन्टेन्ट पाहाता येतील.

४. दोन जीबीचा सिनेमा १० ते २० सेकंदांत डाऊनलोड होईल.

५. विनाचालक मेट्रो आणि इतर वाहनांचे संचालन सोपे होईल.

६. आरोग्य, हॉटेल, हॉस्पिटॅलिटी, विज्ञान या क्षेत्रांत रोबोचा वापर करणे सोपे होईल.

७. कृषी क्षेत्रात ड्रोनचा वापर सुलभ होईल.

८. आभासी जगाचा विनाअडथळा अनुभव घेता येईल.

केंद्रीय दूरसंचार मंत्रालयाच्या माहितीनुसार, ५जी स्पेक्ट्रमचा लिलाव पुढील २० वर्षांसाठी केला जाईल. लिलावामध्ये जिंकणारी कंपनी ५ जी सेवा देईल. सेवा सुरू होण्याची तारीख अजून निश्चित झालेली नाही. पण ६ महिने ते १ वर्षाच्या कालावधीमध्ये ही सेवा सुरू होण्याची शक्यता आहे.

यासाठी विविध दूरसंचार कंपन्यांनी तयारी सुरू केली आहे. एअरटेलने ५ जीची चाचणीही पूर्ण केली आहे. दुसऱ्या बाजूला जिओनेही ५जी सेवा देण्याचा दावा केला आहे.