नवीन फोन विकत घेण्याचा विचार करत असाल तर 6 सप्टेंबर रोजी Redmi अनेक स्मार्टफोन लॉन्च करणार आहे. कंपनीने शुक्रवारी जाहीर केले की Redmi A1 भारतात 6 सप्टेंबर रोजी लॉन्च केला जाईल. त्याच दिवशी कंपनी आपली Redmi 11 प्राइम सीरीज देखील लाँच करणार आहे.
Redmi A1 ला कंपनीचा बजेट स्मार्टफोन म्हटले जात आहे. कंपनीच्या मायक्रोसाइटनुसार, A1 मीडियाटेक चिपसेटद्वारे समर्थित असेल आणि क्लीन Android एक्सपिरीएंस देईल आणि फोटोमध्ये दाखवल्याप्रमाणे, फोन ड्युअल रियर कॅमेरा सेटअपसह येईल. तसेच स्मार्टफोनला लेदर टेक्सचर रीअर पॅनल देखील मिळू शकते. Redmi नुसार, फोन 5000mAh बॅटरीसह येईल.
काय खास असेल?
मायक्रोसाइटनुसार, Redmi A1 ब्लॅक, ब्लू आणि ग्रीन कलरमध्ये येईल. डिझाईनबद्दल बोलायचे झाले तर, डिव्हाइसमध्ये लेदर टेक्सचर बॅक पॅनल आहे. यात चौरस आकाराचा कॅमेरा मॉड्यूल दिला असून यामध्ये एलईडी फ्लॅशसह कॅमेरा सेन्सर आहेत. स्मार्टफोनमध्ये कॉम्पॅक्ट फॉर्म फॅक्टर असल्याचे दिसते. सिम कार्ड ट्रे डावीकडे आहे तर पॉवर आणि व्हॉल्यूम बटणे उजवीकडे आहेत. यामध्ये फिंगरप्रिंट स्कॅनर दिलेले नाही.
तसेच Redmi A1 मध्ये वॉटरड्रॉप नॉच मिळते. फोन 5000mAh बॅटरीसह येतो. डिव्हाइस मध्ये MediaTek Helio प्रोसेसर देण्यात येण्याची शक्यता आहे, Geekbench लिस्टींगनुसार हे Helio A22 3GB RAM सह येणे अपेक्षित आहे. Redmi A1 बद्दलची उर्वरित माहिती सध्या समोर आलेली नाही. Redmi A1 स्मार्टफोन एंट्री-लेव्हल स्मार्टफोन असण्याची अपेक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.