New App Launch : Apple कंपनीने Android वापरकर्त्यांसाठी एकआनंदाची बातमी दिलीये. Apple त्यांच्यासाठी एक धमाकेदार ऍप घेऊन येत आहे. कंपनी लवकरच Android स्मार्टफोन आणि टॅब्लेटसाठी त्यांचं Apple TV अॅप लाँच करणार आहे. त्यामुळे आता Android वापरकर्ते Apple TV+ वरील सर्व मूळ मालिकांचा आणि इतर स्ट्रीमिंग कंटेंटचा थेट अॅपवरून आनंद घेऊ शकणार आहेत.
आत्तापर्यंत Apple TV अॅप फक्त iPhone आणि काही निवडक Android स्मार्ट टीव्हीवरच उपलब्ध होते. पण आता कंपनी आपले यूजर्स वाढवण्यासाठी प्रयत्न करत आहे.अश्यात त्यांनी हे नवीन ऍप लाँच करण्याचा निर्णय घेतल्याचं म्हणलं जात आहे. एका रिपोर्टनुसार, Apple या नवीन प्रोजेक्टसाठी सध्या इंजिनिअर्सची नियुक्ती करत आहे.
Apple TV अॅप हे विविध स्ट्रीमिंग कंटेन्टसाठी एक हब म्हणून काम काम करणार आहे. यात Apple TV+ ची मूळ मालिका, चित्रपट आणि माहितीपटांचा समावेश आहे. इतकेच नाही तर, यूजर्स HBO आणि Showtime सारख्या इतर अनेक चॅनेल्सची सदस्यता घेऊ शकतात. यामुळे एकाच ठिकाणी विविध प्रकारच्या मनोरंजनाचा आस्वाद घेता येईल.
याशिवाय, अॅपमध्ये तुम्ही चित्रपट आणि मालिका सब्सक्राइब करू शकता किंवा रेंटवर देखील घेऊ शकता. तसेच, फ्राइडे नाईट बेसबॉल आणि MLS सीजनसारखे स्पोर्ट्स कंटेंट देखील यावर उपलब्ध असणार आहे.
आतापर्यंत, ज्या Android वापरकर्त्यांना Apple TV+ वरील मालिका पाहायच्या होत्या किंवा MLS सीजनचा आनंद घ्यायचा होता त्यांना tv.apple.com या वेबसाइटचा वापर करावा लागत होता. आता येणारे हे अॅप गेम चेंजर ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.