Apple Watch Series 10 : ‘ॲपल’ने बहुप्रतिक्षीत ॲपल वॉच सीरिज-10 बाजारात आणली आहे. ॲपल वॉचमधील आतापर्यंतचा मोठा डिस्प्ले असलेल्या या घड्याळात अनेक नव्या सुविधा देण्यात आल्या आहेत. हे घड्याळ तुमच्या आरोग्यावर लक्ष ठेवणार असून तुमच्या शरीरात बदल झाल्यास तो तुम्हाला समजू शकतो. तुमच्या झोपेवरही ॲपल वॉचचे लक्ष असेल. वॉटर स्पोर्ट खेळणाऱ्यांना या घड्याळाचा चांगला फायदा होणार असून लाटांचा आणि पाण्याच्या खोलीचा अंदाज मिळण्याची सुविधा यामध्ये आहे. याशिवाय अल्ट्रा-2 या नव्या घड्याळाचीही घोषणा यावेळी करण्यात आली.

ॲपल वॉच सीरिज-10

- आतापर्यंतची सर्वांत कमी जाडीचे घड्याळ

- सर्वांत मोठा डिस्प्ले, वाइड अँगल डिस्प्ले

- स्टेनलेस स्टीलऐवजी ग्रेड-५ टिटॅनियमचा वापर

- वेगान चार्जिंग

- बॅटरी १८ तास

- किंमत : ४९९ डॉलर

अल्ट्रा-2

- ग्रेड-५ ब्लॅक टिटॅनियमचा वापर

- सर्वाधिक अचूक जीपीएस

- बॅटरी ३६ तास

- ऑफलाइन मॅप

- किंमत : ७९९ डॉलर

जागतिक स्तरावर 1 अब्जहून अधिक लोकांना त्रास देणाऱ्या झोपेच्या गंभीर आजाराशी लढण्यासाठी आता Apple Watch Series 10 तुमच्या सोबत असणार आहे. हे स्मार्टवॉच तुमच्या झोपे दरम्यान श्वास घेण्याच्या अडथळ्यांची माहिती देऊन झोपेच्या apnia (स्लीप एपनिया) या आजाराविषयी तुम्हाला सजग करेल,असे कंपनीने सांगितले.

एअर पॉड-4

- आतापर्यंतचे सर्वांत आरामदायी

- बॅटरी ३० तास

- यूएसबी- ‘सी’ आणि वायरलेस चार्जिंगची सोय

- ॲपल सिलिकॉन

- फोर्स सेन्सरचा वापर