अ‍ॅपल कंपनीने आपल्या Apple Watch मध्ये नॉन इन्फेसीव ब्लड ग्लुकोज मॉनिटरिंग फीचर विकसित करण्यावर अनेक वर्षांपासून काम सुरू केलं आहे. मात्र रिपोर्ट्सनुसार, ही सुविधा ग्राहकांना उपलब्ध होण्यासाठी अजून काही वर्षे लागण्याची शक्यता आहे.

हे प्रोजेक्ट अ‍ॅपलच्या संस्थापक Steve Jobs च्या कार्यकाळात सुरू झालं होतं, २०१० मध्ये कंपनीने RareLight नावाच्या ब्लड ग्लुकोज मॉनिटरिंग स्टार्टअपला खरेदी केलं होतं. त्यानंतर, अ‍ॅपलने यावर गुप्तपणे काम सुरू केलं आणि CEO Tim Cook आणि इतर अधिकारीही प्रकल्पात सक्रियपणे सामील झाले आहेत.

या प्रोजेक्टला "Project E5" असं कोडनेम दिलं आहे, ज्यात ऑप्टिकल सेंसर्सचा वापर करून त्वचेतून लाइट सोडून ग्लुकोजचे प्रमाण मोजलं जातं. मात्र, याची सर्वात मोठी अडचण म्हणजे टेक्नोलॉजीला Apple Watch मध्ये समाविष्ट करण्यासाठी त्याला मिनियटरीझ करणे, जे अजूनही शक्य झालं नाही. २०२३ मध्ये एक प्रोटोटाइप तयार झालं असलं तरी, तो सध्या स्मार्टवॉचमध्ये फिट होण्याजोगा नाही.

अ‍ॅपलने ब्लड ऑक्सिजन आणि ब्लड प्रेशर सेंसर्ससाठीही अडचणींचा सामना केला आहे. जरी ब्लड शुगर मॉनिटरींग फीचर अनेक वर्षांपासून विकसित केलं जात असलं तरी, मार्क गुरमन यांच्या मते, हे फीचर अजून काही वर्षे नंतर येणार आहे.

तथापि, अ‍ॅपलचे इतर आरोग्यविषयक फीचर्स सुस्पष्टपणे पुढे जात आहेत. कंपनी iPhone वर "व्हर्च्युअल हेल्थ कोच" फीचर विकसित करत आहे, जो iOS १९ मध्ये समाविष्ट होईल. या AI आधारित प्रणालीचा उद्देश यूझर डेटा वापरून आरोग्य संबंधित सल्ले देणे आहे.

याशिवाय अ‍ॅपलनवीन फिचर्समध्ये फूड ट्रॅकिंगची सुविधा देखील समाविष्ट करणार आहे. ज्यामुळे यूझर्स त्यांच्या आहाराचे ट्रॅकिंग करू शकतील आणि AI च्या मदतीने आहारविषयक माहिती मिळवू शकतील.

तसेच अ‍ॅपलने विविध वैद्यकीय क्षेत्रांतील तज्ञांना देखील त्याच्या AI प्रणालीला अधिक अचूकतेने तयार करण्यासाठी नियुक्त केले आहे. याची किंमत 50 हजार ते 60 हजार पर्यंत असण्याची शक्यता आहे.