Bike Launch in April 2025 : एप्रिल महिना बाईक आणि स्कूटर्सच्या लाँचिंगसाठी धमाकेदार ठरणार आहे. भारतात ऑफ-रोडिंग, सुपरमोटो आणि इलेक्ट्रिक स्कूटर्सच्या वाढत्या मागणीच्या पार्श्वभूमीवर KTM, Hero, Bajaj आणि Kawasaki यांच्याकडून अनेक नवीन मॉडेल्स बाजारात येण्याची शक्यता आहे. चला तर पाहूया यंदा एप्रिलमध्ये कोणत्या नव्या दुचाकी गाड्या रस्त्यांवर धावणार आहेत.
KTM चं 390 Adventure R हे बाईक त्यांच्या आताच्या मॉडेलपेक्षा अधिक ताकदवान आणि ऑफरोडिंग क्षमतेचे आहे. त्यात अधिक मजबूत सस्पेन्शन, मोठं रिअर व्हील आणि उंच सीट हाइट देण्यात आली आहे. 390cc इंजिनसह ही बाईक 4 लाखांच्या आसपास असण्याची शक्यता आहे.
KTM चं आणखी एक सुसज्ज मॉडेल म्हणजे 390 SMC R. ही सुपरमोटो शैलीतील बाईक आहे, जी सध्या भारतात फारशी उपलब्ध नाही. ही बाईक भारतात 3.4 लाखांच्या आसपास लॉन्च होण्याची शक्यता आहे आणि KTM ला यामध्ये फर्स्ट मूव्हर अ‍ॅडव्हांटेज मिळू शकतो.
हिरोची Karizma XMR 210 ची विक्री थांबल्यानंतर आता कंपनी नवीन Karizma XMR 250 घेऊन येण्याच्या तयारीत आहे. नव्या डिझाइनसह अधिक पॉवरफुल इंजिन आणि अपडेटेड फिचर्ससह ही बाईक 250cc सेगमेंटमध्ये मोठा दावा ठरू शकते.
Bajaj आपली नवीन इलेक्ट्रिक स्कूटर Chetak 3503 लवकरच सादर करणार आहे. 3.5kWh बॅटरी पॅकसह ही स्कूटर कंपनीच्या सर्वात परवडणाऱ्या स्कूटर्सपैकी एक असणार आहे. डिझाईन Chetak प्रमाणेच असेल, पण फिचर्समध्ये थोडा फरक पाहायला मिळू शकतो.
Kawasaki त्यांची प्रचंड लोकप्रिय असलेली Z900 बाईक 2025 मध्ये अपडेटेड फिचर्ससह पुन्हा मार्केटमध्ये आणण्याच्या तयारीत आहे. TFT डिस्प्ले, 6-axis IMU आणि इतर अत्याधुनिक फिचर्ससह ही बाईक उत्साही रायडर्ससाठी जबरदस्त पर्याय असणार आहे.
KTM चं ऑफ-रोडिंग, Hero ची दमदार Karizma, Bajaj ची स्मार्ट इलेक्ट्रिक स्कूटर आणि Kawasaki चं टेक्नोलॉजीयुक्त बीस्ट हे एप्रिलमध्ये रस्त्यावर भन्नाट बाईक्स धावणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.