Best Electric Cars in India: पेट्रोल-डिझेलच्या वाढत्या किंमतीमुळे अनेकजण इलेक्ट्रिक कार खरेदी करण्याला प्राधान्य देत आहे. सरकार देखील सातत्याने पॉलिसीमध्ये बदल करत इलेक्ट्रिक वाहनांना प्रोत्साहन देत आहेत. ग्राहकांची मागणी पाहता कंपन्यांकडून देखील नवीन इलेक्ट्रिक कार्सला लाँच केले जात आहे. तुम्ही देखील इलेक्ट्रिक कार खरेदी करण्याचा विचार करत असाल तर त्याआधी अशाच ४ शानदार कारविषयी सविस्तर जाणून घेऊया.

Tata Tiago EV

टाटाने काही महिन्यांपूर्वीच Tiago EV ला लाँच केले आहे. ही देशातील सर्वात स्वस्त इलेक्ट्रिक कार असल्याचा कंपनीने दावा केला होता. कारच्या बेस मॉडेलची किंमत ८.४९ लाख रुपये, तर टॉप व्हेरिएंटची किंमत ११.७९ लाख रुपये आहे. सिंगल चार्जमध्ये कार सहज २५० किमी अंतर पार करू शकते.

Mahindra E Verito

देशातील पहिली इलेक्ट्रिक सेडान म्हणून महिंद्राने ई-व्हेरिटोला २०१६ मध्ये लाँच केले होते. ही कार एकदा चार्ज केल्यावर ११० किमी अंतर पार करू शकते. ई-व्हेरिटोची एख्स-शोरुम किंमत ९.४६ लाख रुपये आहे. कंपनी कारच्या टेक्नोलॉजीमध्ये देखील आता बदल करणार आहे, ज्यामुळे याच्या रेंजमध्ये वाढ होईल.

PMV Electric EaS-e

PMV Electric या स्टार्टअपने काही दिवसांपूर्वीच EaS-e या इलेक्ट्रिक कारला लाँच केले आहे. या कारची एक्स-शोरुम किंमत ४.७९ लाख रुपये आहे. ही २ सीटर कार आहे. एकदा चार्ज केल्यावर कार १६० ते १८० किमी धावू शकते. ही कार आकारने लहान असण्यासोबतच अनेक शानदार फीचर्ससह येते. कारमध्ये फ्रंट एलईडी बार, एलईडी टेल लाइट, रिमोट पार्किंग असिस्ट, क्रूझ कंट्रोल, रिमोट कनेक्टिव्हिटी, ब्लूटूथ आणि नेव्हिगेशन सारखे फीचर्स मिळतील.

एमजी लाँच करणार नवीन कार

एमजी लवकरच भारतीय बाजारात नवीन ई-कार लाँच करणार आहे. कंपनी २०२३ मध्ये एमजी एयरवर आधारित ई-कारला भारतात लाँच करेल. या कारच्या किंमत आणि नावाबाबत अद्याप खुलासा झालेला नाही. परंतु, कारची किंमत १० लाख रुपयांपेक्षा कमी असण्याची शक्यता आहे. ही टियागो सारख्या कारला टक्कर देईल. तुम्ही जर एमजीची कार खरेदी करण्याचा विचार करत असाल तर काही दिवस वाट पाहणे फायद्याचे ठरेल.